link

link

link

link

4. შუადღის სიცხეში მომიხდა მისვლა წმინდა მაკარისთან და წყურვილისგან მეტისმეტად გატანჯულმა ვთხოვე მას წყალი, მან კი მითხრა: იკმარე ჩრდილი, რადგან ბევრი ვინმე, ვინც გზაშია ახლა ანდა ზღვაში, ამასაც მოკლებულია. შემდეგ, როდესაც მასთან განსჯათა გზით თავშეკავების შესახებ ვცდილობდი გნსწავლას, „გამხნევდიო, მითხრა, ჰოი შვილო, რადგან მე მთელი ოცი წელი არც პური, არც წყალი, არც ძილი არ მქონია მაძღრისად, არამედ პურს წონით ვჭამდი, წყალს ზომით ვსვამდი, ძილს კი ნაწილს რასმე გამოვსტაცებდი კნინს, მივეყრდნობოდი რა მცირედით კედლებს“.

link

link

ფილიპე მაკედონელმა, როგორც ისტორია გვიამბობს, როცა ერთდროულად სიხარულითა და პატივით აღსავსე სამი ამბავი მიუტანეს, თავისი უძვირფასესი ბეჭედი მოიხსნა და ზღვაში გადააგდო, რათა მოჭარბებული სიხარული ბეჭდის დაკარგვით გაენელებინა. "ისე რომ არ მოხდეს, - თქვა, - ერთ მშვენიერ დღეს ყველა ჭირი ერთად მეწვიოს და მე ვერ გავუძლო".
ხედავ, ჩემო შვილო, თუმცაღა არც კი იყვნენ მადლს ნაზიარები, ცხოვრებისეული სიმართლე განაბრძნობდა მათ, მოეტყუებინათ გარემოებანი და ზომიერად ეცხოვრათ.
ჩვენ კი, სრულ ქრისტიანებს, უხვად რომ ვიგემეთ ქრისტეს საბოძვარი, რამდენად მეტად გვმართებს ცხოვრების ცხოვრების ღმრთივგანბრძნობილად გატარება, დროის მოტყუება და ამ წარმავალ ცხოვრებაში ყოველგვარი მწუხარების მამაცურად დათმენა?

link

უმრავლესნი ვნებანი და განსაცდელნი მოიწევიან ჩვენზედა მაშინ, როდესაც სული ჩვენი დასუსტებული არის და დამონებული ხორცითა. ხოლო ხორცი არის გაშვებული, აღვირუსხმელი, როდესაც კაცი ყოველთვის ეძიებს დააკმაყოფილოს ყოველნი თვისნი ხორციელნი ვნებანი, უყვარს მრავალი ჭამა, უზომო სმა, გრძელი ძილი და მოსვენება, არაწმინდება და ყოველნი ხორციელნი ცოდვანი. ესრეთნი კაცნი ყოველთვის შეიქმნებიან საშოვარი ეშმაკისა, სული ბოროტი მათ ათამაშებს თავის ნებაზე. წინააღმდეგ ამისა, თუ კაცს ხორი თვისი აქვს დაპყრობილი და აღვირასხმული, ყოველსა თვისსა ხორციელსა მოთხოვნილებასა აკმაყოფილებს კანონიერად, ზომიერად, სჭამს და ჰსვამს ზომით, მრავალი ძილი და უქმად დროების გატარება არ იცის, თვისს სისხლსა განგებ არ აადუღებს უწმინდურის აზრებით და უწმინდურის წიგნების წაკითხვითა, ერთი სიტყვით, თუ სული მისი ჰმართავს ხორცსა მისსა და არა ხორცი სულსა, მაშინ ეშმაკს მოსპობილი აქვს ერთი დიდი გზა მიახლებად მისა და გამოცდად მისა.

link

link

ბერები ამბობენ, მოყვასის დამშვიდება სათნოებაა და თანაც დიდი სათნოებაო; განსაკუთრებით მაშინ, თუ ვინმე ამას იმიტომ არ აკეთებს, რომ ძმა ნაყროვანებამ ან თავშეუკავებლობამ დაამარცხოს. სხეულს რამდენიც სჭირდება, იმდენი მიეცი და დღეში სამჯერაც რომ ჭამო, არ დაზიანდები. თუ ადამიანი დღეში ერთხელ, მაგრამ განუკითხავად ჭამს, მაშინ რა სარგებელი აქვს? თავისუფლად ჰკითხე ბერს, რა სურს მას. როდესაც თქვენ, ორივე ღვთისნიერად ცხოვრობთ, მაშინ მანაც შენთან ღვთის შიშით გულღიად უნდა ილაპარაკოს; და ის, რაც მისი თქმით, მას ამშვიდებს, შენც ადექი და ის აღასრულე, და ეს ღვთის ნებას დაეთანხმება. ძილი კი ორი სახისაა: ზოგჯერ სხეული სიმაძღრისაგანაა დამძიმებული, ხოლო ზოგჯერ ადამიანს უღონობის გამო არ შეუძლია მსახურების აღსრულება და ძილი ერევა; სიმაძღრეს კი სიძვის ვნება მოსდევს, რამეთუ სხეული რომ შებილწოს, მტერი ძილით ამძიმებს მას. თუმცა, გონიერი ადამიანი ხვდება, თუ როგორ და საიდან ემართება ეს. ჩვენ შეძლებისდაგვარი შრომა მოგვეთხოვება და სხვა არაფერი. ღმერთი კი ჩვენს უღონობას თავის შეწევნით ფარავს და აძლიერებს. რამეთუ მას უკუნისამდე შვენის დიდება, ამინ. ილოცე ჩემთვის ძმაო, და როდესაც მოყვასთან საუბრობ, დაუკვირდი: თუ სიმდაბლით, განსჯით და უშფოთველად ლაპარაკობ, მაშინ გააგრძელე საუბარი; ხოლო თუ ასე არაა, მაშინ აზრი შეაკავე, გაკიცხე და დამშვიდდები. ნუ გაშფოთებს შენი ბერის საქციელი, არამედ საკუთარ თავს უთხარი: „ღმერთმა იცის უმჯობესი“ და შენც დაწყნარდები. ბერს სიმდაბლით შეახსენე და თავი დაანებე; დაე, აკეთოს, როგორც სურს. ილოცე ჩემთვის, უპატიოსნესო ძმაო!

link