link

link

link

მე ვაფრთხილებ ჩვენს ხალხს, ჩვენს მორწმუნეთ: იყავით დაკვირვებულნი და ყურადღებიანნი: ნუ დაკარგავთ ჭეშმარიტებას, ნუ დაკარგავთ ჩვენს სარწმუნოებას, მიწიერ საცდურზე ნუ გაცვლით მარადიულ ცხოვრებას, თორემ მერე გვიან იქნება, რადგან ჟამი ახლო არს.

link

გეშინოდეთ სექტანტების, საჩუქრები რომ მოაქვთ. განერიდეთ მათ ცეცხლის მსგავსად. ისინი მატერიალურს იძლევიან, რათა სულიერი წაგვართვან: უფასო ბროშურებით გვირყევენ სინდისს, ნასუფრალით ხალხში განხეთქილებას იწვევენ და ზოგიერთებს ერთმორწმუნე ძმებისაგან განაშორებენ.

link

დაიცავი გონება და გული ცრუმოძღვრებათაგან. ნუ ისაუბრებ ქრისტიანობის შესახებ ცრუ აზრებით მოწამლულ ადამიანებთან. ნუ წაიკითხავ ცრუმოძღვართა მიერ ქრისტიანობის შესახებ დაწერილ წიგნებს. ჭეშმარიტებაში სულიწმიდა მკვიდრობს, სული ჭეშმარიტებისა. სიცრუეში ეშმაკის სული მკვიდრობს და მოქმედებს. იგი არის სიცრუე დ მამა სიცრუისა.

link

ნეტავ, ჩემთან მოვიდოდეს რომელიმე სექტანტი - ან ბაპტისტი, ანდა "იეღოვას მოწმე". დავსვამ, დავაპურებ, კეთილ სიტყვას ვასწავლი. მაგრამ მათთან არ დავჯდები სატრაპეზოდ. ურჯულოთა თანა არა დავჯდეო. თუკი ის მოვა, შენ ნუ ადგები, ნუ დაუთმობ ადგილს, იჯდეს თავისთვის: შენ ხომ არ მიხვედი, თვითონ მოვიდა და დაჯდა მორწმუნეთა გვერდით, მისი გულისთვის ყველა ხომ არ ადგება?!

link

ძლევის გარეშე არ არის და არც შეიძლება იყოს ჭეშმარიტი ქრისტიანობა! ამიტომ ჩვენ არ გვაქვს ერთი გზა ათასნაირ მოდერნისტულ სექტასთან, არც ეკუმენისტებთან, არც ნეო-ჰილიასტებთან. ჩვენი სარწმუნოება - წმინდა მოღვაწეთა სარწმუნოება - „რწმენა სამოციქულო, რწმენა მამობრივი, რწმენა მართლმადიდებელი“. განუხრელად მას და მხოლოდ მას მოვეჭიდებით ცბიერი დღეების განცდისას! ამინ.

link

რაში გჭირდება შენ, მართლმადიდებელო ქრისტიანო, ცოდნა ცრუ მოძღვრებათა ან კიდევ მეგობრობა სექტანტებთან? იოანე ოქროპირი ამბობს: „თუ ცხონება გინდა, იყავი ეკლესიაში და იგი არ დაუთმობს შენს თავს ბოროტს. ეკლესია ზღუდეა და თუ შენ ამ ზღუდის შიგნით იმყოფები, მგელი ვერ წარგიტაცებს. თუკი გამოხვალ გარეთ, მხეცის ლუკმა გახდები. ნუ განუდგები ეკლესიას, ამქვეყნად მასზე ძლიერი არაფერია, ის არის შენი სასოება, მასშია შენი ბედნიერება“.

link

ადამიანი, რომელიც ღმერთს ნამდვილად ეძიებს, არასოდეს მოხვდება სექტაში. სექტა რელიგიური სუროგატია და მას არ ძალუძს ადამიანის სულიერი შიმშილი მოკლას. მაგრამ თუ ადამიანი სარწმუნოებრივ ცხოვრებაში ესწრაფვის არა ღმერთს, არამედ რელიგიური გრძნობების დაკმაყოფილებას, მაშინ იგი ადვილად გახდება სექტანტი. მაშასადამე, ისინი, რომლებიც შეგნებულად, საბოლოოდ სექტაში დარჩებიან, გააკეთებენ უმძიმეს მარადულ არჩევანს, ღმერთს სამუდამოდ დაკარგავენ. მათზე კი, რომლებიც მტკი...

link