link

link

link

link

ამ ქვეყნად ღვთის განგებულებით აღესრულება ყველაფერი. აქედან ნაწილი სათნოა უფლისათვის, ზოგიც მისი დაშვებით ხდება, მაგრამ ორივეს საბოლოო შედეგი ეკლესიისა და საერთოდ მორწმუნეთათვის მხოლოდ დადებითია, რადგან, როგორც წმიდა წერილი ბრძანებს, უფლის მიმდევართ ყოველივე სასიკეთოდ წარემართებათ. მძიმე განსაცდელიც კი ქრისტიანისათვის სიკეთის მომტანია, რადგან იგი ჩვენს გამოსასწორებლადაა დაშვებული.

link

სატანას არა აქვს არავითარი უფლება, რომ ვინმე გამოსცადოს და თუ მაინც ცდის, ამას იგი აკეთებს მხოლოდ ღვთისაგან დაშვებით. ხოლო ღვთისაგან დაშვება ხდება ან ადამიანების ცოდვებისათვის დასასჯელად, ან არადა, მათი განსწავლისათვის, რათა მათ შესძინოს მეტი გამოცდილება.

link

მათ არა აქვთ ხელმწიფება ვინმეს წინააღმდეგ, თუ ღმერთმა არ დაუშვა და არ მისცა ნება საღმრთო განგებულების მიზნით, როგორც მართალი იობის შემთხვევაში. ისინი ძლიერნი არიან მხოლოდ ღმერთის დაშვების წყალობით და შეუძლიათ ისეთი სახე მიიღონ, როგორიც მოესურვებათ

link

როდესაც რაიმე სამწუხარო ამბავი შეგემთხვევა, გამოიკვლიე, რაიმე საქმესთან დაკავშირებით ხომ არ გამხელს აზრი, და თუ მას ვერ მიაგნებ, მაშინ ეს შენ გამოსაცდელად შეგემთხვა და ღვთის ნებიდან მომდინარეობს. ხოლო თუ მიაგნებ, რომ აზრი რაღაცაში განგიკითხავს, მაშინ ის ღვთის დაშვებითაა, შენს დასასჯელად. თუმცა ერთიც და მეორეც ადამიანისთვის სასარგებლოა.

link