წმიდა მაქსიმიანე - კონსტანტინეპოლელი პატრიარქი

მოიხსენიება 21 აპრილს (ახალი სტილით: 4 მაისს)
წმიდა მაქსიმიანე, კონსტანტინეპოლელი პატრიარქი ( 434) დაიბადა მდიდარი და ღვთისმოსავი რომაელის ოჯახში.

უბრალოებით გამორჩეულ წმიდა მაქსიმიანეს განდეგილი ცხოვრება უყვარდა. თუ ვინმე წმიდა ცხოვრებით ცნობილი ადამიანი გარდაიცვლებოდა, მაქსიმიანე მას საკუთარი ხარჯით ასაფლავებდა. სიწმიდისა და ქველმოქმედებისათვის პატრიარქმა სისინმა (426-427) იგი მღვდლად აკურთხა, მწვალებელი პატრიარქის - ნესტორის (428-431) განდევნის შემდეგ კი, 431 წლის 25 ოქტომბერს, ღირსი მამა კონსტანტინეპოლის ეკლესიის საჭეთმპყრობელად დაადგინეს. ეს მოხდა წმიდა მეფის თეოდოსი მცირის (408-450) მეფობის ჟამს.

წმიდა მაქსიმიანე მშვიდობით მიიცვალა 434 წლის 12 აპრილს, დიდ ხუთშაბათს.