ღვთის სიყვარული ადამიანისადმი - ციტატები, გამონათქვამები
ყველაზე დიდი ნეტარებაა, გიყვარდეს ქრისტე და იყო მისგან შეყვარებული
ისეთი იყავი იესოსთან მიმართებაში, როგორიც გინდა, რომ ის იყოს შენს მიმართ. გსურს, უხვად გადმოღვაროს შენს მიმართ თავისი სიყვარული? მაშ, გაუღე მთელი სისრულით გულის კარი
ქრისტემ შეგვიყვარა ჩვენ, უღირსნი: მაშ, ჩვენც შევიყვაროთ იგი, რომელიც ყოველგვარი სიყვარულის ღირსია
ო, ვერ გაწვდება ადამიანის გონება ღვთის სიყვარულის მთელ სიგრძე-სიგანესა და სიმაღლეს, რომელიც იესო ქრისტესგან გადმოდის ჩვენზე. მაგრამ მით უფრო საშინელია, იყო უმადური ამ სიყვარულის წინაშე
თუ სამყაროს შექმნა ღვთის სიყვარულის საქმეა, მაშინ ადამიანთა გამოსყიდვის საქმე ძე ღვთისას სიკვდილით, არის ღვთის სიყვარულის სასწაული.
უფალი თავისი უსაზღვრო სიკეთისა და გულმოწყალების გამო ყოველთვის მზადაა, ყოველივე მიანიჭოს ადამიანს, ადამიანი კი ყოველთვის არ არის მზად მისგან რაიმეს მისაღებად.
უფალი გვიგზავნის უხვ ძღვენს უმეტესი სიამოვნებით, ვიდრე - ჩვენ ვღებულობთ მას
უფალი ჩვენთვის იმაზეც კი ზრუნავს, რაც ჩვენ გვეკუთვნის და ჩვენივე საზრუნავია
დედა ისე ვერ ზრუნავს თავის ჩვილზე, რამდენადაც ჩვენზე ზრუნავს უფალი, მეუფე და მეფე ჩვენი
უფალი ჩვენზე მეტად ზრუნავს, ვიდრე ჩვენ ვზრუნავთ საკუთარ თავზე