ვისაც საღმრთო წიგნები აქვს შინ, უდიდეს სარგებლობასა და ნუგეშს მიიღებს მათგან, რადგან ხშირად ისიც კი გვართმევს ცოდვის ჩადენის სურვილს, თუკი თვალს შევავლებთ წმინდა წიგნს და ღმერთი გაგვახსენდება.

ბოლო დროისათვის უკანასკნელი ხანის წმიდა მამები უფრო მეტად გვთავაზობენ ვიხელმძღვანელოთ წმიდა წიგნებითა და მამათა სწავლათა მიხედვით, თუმცა, არც თანამედროვე მამებისა და ძმების მოძღვრებათა ფრთხილ (ზომიერ) გამოყენებას უარყოფენ. ყოველივე ეს უნდა შესრულდეს სულსა და გონებაში მორჩილებისა და მონანიების გულდასმითი დაცვით. ჩვენი თანამედროვეობისათვის ეს საქმე ბოძებულია უფლის მიერ და ჩვენც სასოებით უნდა მოვიხმაროთ ეს ძღვენი, მოცემული ჩვენდა საცხოვნებლად.