ავტორი:
წმ. იოანე ოქროპირი
თემა: ბოლო ჟამი
აწ ისმინეთ ძმანო ჩემნო, რამეთუ ოდეს იგი სახიერებით ნუგეშინისცემად ჩუენდა გარდამოვიდა უფალი და ვერ დავითმინეთ მოსლლვისა მისისა ზარი, რაჟამს-იგი არცა ცანი აღგზებულ იყუნეს და არცა სამყარონი დადნებოდეს, და არცა ქუეყანაი და საქმენი მისნი დაიწუნებოდეს, და არცა ოხრიდა ხმაი საყვირისაი, ვითარცა ქადაგი მკუდართა განმაღვიძებელი, რომელნი საუკუნითგან დაძინებულ არიან. და არცა ცეცხლი შთანსთქმიდა, და არცა სხუაი საშინელებაი რაი იყო, რომელი უკანაისკნელ ყოფად არს ზარი შესაძრწუუნებელი. რაი უკუე ყოფად გვიც, ოდეს-იგი გარდამოხდეს რისხვითა და გულის წყრომითა მიუწვდომელითა, და დაჯდეს საყდართა დიდებისა თვისისათა, და მოუწოდოს ყოველსა ქუეყანასა მის წინაშე აღმოსავალითგან მზისაით ვიდრე დასავალამდე და ყოველთა კიდეთა, რაითა განიკითხოს ერი თივსი და მიაგოს კაცად-კაცადსა საქმეთა მათთაებრ
|
|
|
