ეკლესია - ციტატები, გამონათქვამები
სკოლა იგივეა, რაც ეკლესია, ტაძარი. მასწავლებელი იგივეა, რაც ღმერთი, იმიტომ, რომ ქრისტეს მასწავლებელს ეძახდნენ.
ღმერთი და მასწავლებელი, ტაძარი და სკოლა - ამაზე ძვირფასი ცნებები საზოგადოებას თავისი განვითარებისთვის არ აქვს
უფალმა დედამიწაზე დააარსა ეკლესია – თავისი სასძლო, რომ იგი ღვთის შვილებისთვის ევედროს ღმერთს. ჩვენს განსაწმენდად, წმინდასაყოფად და უფალთან შესაერთებლად საღვთო ევქარისტიის დიდი საიდუმლო დაგვიტოვა.
ვითარცა გემს აქვს მრავალი მოწყობილობა, აფრები და სხვა, და საჭით იმართება, ასევე იმართება ტაძარი სულიწმიდით, მისი სათნო მესაჭეები - ეკლესიის მოძღვარნი, მთავარეპისკოპოსები და ეპისკოპოსები, მოციქულთა მემკვიდრეები არიან
არ დაივიწყო სადღესასწაულო დღეები, თავშეკავება იქონიე. ეკლესიაში იარე - გარდა ავადმყოფობის პერიოდისა. ყველასთვის ილოცე, ამით ბევრ სიკეთეს იზამ. ეკლესიას სანთლები, ღვინო და ზეთი შესწირე. მოწყალება ბევრ მადლს მოგაგებს
შინაური ცხოვრება სარკეა, რომელშიც ადამიანის ნამდვილი ხასიათი და ბუნება გამოიხატება. ქრისტიანებისათვის სახლი, ანუ ოჯახი მეორე ეკლესიაა: როგორც ეკლესიაში, ოჯახშიც სიწმინდითა და მორიდებით უნდა იქცეოდე (I, 263-266).
სასულიერო ხარისხში კურთხევა შვიდ საიდუმლოთაგან ერთ-ერთია. ეპისკოპოსები, მღვდელნი და დიაკონნი ქმნიან საეკლესიო იერარქიას. მათი ვალია სახარების ქადაგება, საიდუმლოთა აღსრულება და საეკლესიო საქმეთა წარმართვა.
მართლმადიდებლობა მისტიური სხეულია მაცხოვრისა. "შემოქმედმა ყველაფერი ფეხქვეშ დაუმორჩილა ქრისტეს და მისცა მთავრობა ყოველი ეკლესიისა, რომელიც არის მისი სხეული" (ეფ.1,22-23), წერს პავლე მოციქული.
