არ უნდა მოხდეს, რათა ტრაგიკოსების მსგავსად ტკბილხმოვანებით ანაზებდნენ სასასა და ბაგეს, არ უნდა გაისმოდეს ეკლესიაში თეატრალურ ხმათა ცვლილებანი და სიმღერები.

ადრე ეს ჰიმნები მხოლოდ ზეცაში სრულდებოდა, მაგრამ მას შემდეგ, რაც მეუფემ მიწაზე დაშვება კეთილინება, ეს გალობა ჩამოვიდა მასთან ერთად. ამდენად საგალობლის მიწიერი ხმოვანება ზეციური მუსიკის მხოლოდ მიბაძვაა... ზევით უზენაესს ანგელოზთა მხედრობა ადიდებს, ქვევით კი ხალხი. ისინი აღასრულებენ მსახურებას ეკლესიაში და ბაძავენ ანგელოზებს. ასე იქმნება ზეცისა და მიწის ბინადართა ერთიანი დღესასწაული.

საერო სიმღერებიდან ბევრი ზიანი, ბიწიერება და სიბოროტე მოდის, რადგან ყველაფერი ის, რაც მათში ცუდი და უზნეოა, სულში შეღწევისას ასუსტებს და რყვნის მას. და პირიქით - სადაც გალობენ, ისადგურებს სულიწმინდის მადლი, რომელიც განანათლებს მომღერალთა ბაგეებსაც და სულებსაც. (წმ. იოანე ოქროპირი).