კაცთმოთნეობის სურვილი ადამიანს პატივმოყვარეობაში აგდებს. ხოლო, როდესაც ის მრავლდება - ამპარტავნებაში. შემინდე ძმაო და ილოცე ჩვენთვის.

როდესაც კურთხევას იღებენ, ხელი მიეცი და უთხარი მათ: დაუკვირდით, რომ კაცთმოთნეობით არ ხდებოდეს ეს; ღმერთი თქვენი რწმენის მიხედვით განიჭებთ; თავად უფალმა თქვა: „რომელმან შეიწყნაროს წინასწარმეტყუელი სახელად წინასწარმეტყუელისა, სასყიდელი წინასწარმეტყუელისაი მიიღოს; და რომელმან შეიწყნაროს მართალი სახელად მართლისა, სასყიდელი მართლისაი მიიღოს“ (მათე 10, 41). ამრიგად, ვინც წინასწარმეტყველს და მართალს ისე არ მიიღებს, როგორც წინასწარმეტყველს და მართალს შეეფერება, ის საზღარუს ვერ მიიღებს; და თუ ის არც წინასწარმეტყველია და არც მართალი, მაგრამ ვინმე მას წინასწარმეტყველის და მართლის პატივს მიაგებს, მაშინ მან სასყიდელი წინასწარმეტყუელისაი და მართლისაი მიიღოს; თავზე ამბორი კი არ არის საჭირო, რამეთუ ეს თავის თავში პირფერობას შეიცავს, რომელიც კაცთმოთნეობიდან გამომდინარეობს.