ყველამ, ვისაც სურს და ითხოვს მადლს, რომ ღმერთმა მიანიჭოს, უწინარეს ყოვლისა, კარგად უნდა შეიცნოს

ყველამ, ვისაც სურს და ითხოვს მადლს, რომ ღმერთმა მიანიჭოს, უწინარეს ყოვლისა, კარგად უნდა შეიცნოს საკუთარი არსება – „შეიცან თავი შენი“. და ეს მართლაც ჭეშმარიტებაა. რადგან ყოველ საგანს დასაბამი აქვს და თუ არ შეიცნობ დასაბამს, ბოლოში სიკეთე არ გექნება.
    ამრიგად, დასაბამიცა და ჭეშმარიტებაც ისაა, რომ შეიცნო, რომ არარა ხარ, ნული და რომ არაფრიდან წარმოიშვა ყველაფერი. „თქუა და იქმნეს, თავადმან ბრძანა და დაებადნეს“. თქვა და შეიქმნა დედამიწა და აიღო თიხა და გამოსახა კაცი უსულო, უჭკუო, უბრალოდ თიხის ადამიანი. ეს არის შენი საკუთარი არსება. ესა ვართ ყველანი, მიწა და ლაფი.