ყოველდღიურ ყოფაში გვიხდება განუწყვეტელი შეჯახებები, განუწყვეტელი საწყენი შემთხვევები და მოჩვენებითი

ყოველდღიურ ყოფაში გვიხდება განუწყვეტელი შეჯახებები, განუწყვეტელი საწყენი შემთხვევები და მოჩვენებითი თუ აშკარა შეურაცხყოფები, რაც გვირღვევს გულის სიმშვიდეს. და აი ის, რაც თითქმის გარდაუვალია, რაც თავისთავად გვატყდება თავს, უფალს სურს ცხონების საზღაურად და შეწყალების მონაპოვრად გვიქციოს. ყოველწუთს შეურაცხგყოფენ? ყოველწუთს აპატიე, და ყოველწუთს უფროდაუფრო ღრმად შეხვალ ღვთის გულმოწყალების, ყოვლადმიმტევებელი უფლის შეწყალების სფეროში და ამ შეწყალებით, ვითარცა შესამოსლით შეიმოსები და დაცული იქნები ყველაფრისაგან, რაც შენი ცხონების საქმეს უშლის ხელს.