ადამიანები იმიტომ ჩავარდნენ ურწმუნოებაში, რომ ლოცვა დაეკარგათ, მადლი ლოცვისა, თუმცა, იქნება და არც

ადამიანები იმიტომ ჩავარდნენ ურწმუნოებაში, რომ ლოცვა დაეკარგათ, მადლი ლოცვისა, თუმცა, იქნება და არც არასოდეს ჰქონიათ იგი და არც აქვთ. მოკლედ, ამის მიზეზი ისაა, რომ არ ლოცულობენ. ლოცვისას არ უთხოვიათ და არც ითხოვენ ისინი ღვთის მადლის ცვარს (ვინც რომ ეძებს და ითხოვს, მათ ეძლევათ მხოლოდ ღვთის ნიჭები.) და გულები, ბუნებით გახრწნილები და სული წმიდის ცვარს დანატრებულები, უკიდურესად გამომშრალ-გადამხმრები, ბრიალებს ჯოჯოხეთი ურწმუნოებისა და სხვადასხვა ვნების ალში და ეშმაკმა ხომ ისიც იცის, როგორ ააგიზგიზოს და შეინახოს თავისი საშინელი ცეცხლი მათ გულებში და ყიჟინას სცემს ქრისტეს სისხლით გამოსყიდული, უბედური სულების დანახვაზე.