ვინ თქვა პირველად, რომ სინათლე უნივთოა
XIX საუკუნეში მეცნიერებმა მკვეთრად განასხვავეს მატერია (ნივთიერება) და ენერგია. მაგრამ ენერგიის უნივთობის შესახებ ერთ-ერთმა პირველმა ბასილი დიდმა მიუთითა IV ს-ში. წმინდანი თავის თხზულებაში "ექუსთა დღეთაი" (საუბარი VI) საუბრობს "უნივთო სინათლის" შესახებ. ეს გახლავთ ამგვარი ტიპის ყველაზე ადრეული მოწმობა

link

ის, რომ დედამიწას საყრდენი არა აქვს, ყველაზე პირველად ბიბლიაში დაიწერა
ცნობილია, რომ დედამიწა არც სპილოზე დგას, არც ვეშაპზე და არც კუზე, როგორც ამას ცთომილი წარმართები თვლიდნენ. ბიბლიაში ამის შესახებ იობის წიგნშია ნათქვამი: ღმერთმა "არაფერზე დაჰკიდა დედამიწა" (თ. XXVI,7). იობი ქრისტეს შობამდე 1900-იან წლებში, ე.ი. 3900 წლის წინათ ცხოვრობდა. დაუკირდით, ეს ნათქვამია მაშინ, როცა არც ასტრონომია არსებობდა და არც დედამიწის გარშემო მოგზაურობანი

link

ვინ თქვა პირველად, რომ სამყარო უფორმო მატერიისგან შეიქმნა
დაახლოებით ორასი წლის წინ მეცნიერებმა გაიგეს, რომ თურმე სამყარო უფორმო, ამორფული მატერიისაგან შეიქმნა. ბიბლიაში კი ამის შესახებ ჯერ კიდევ ქრისტეს შობამდეა ნათქვამი. წიგნში "სიბრძნე სოლომონისა" ვკითხულობთ, რომ ღმერთის ყოვლისშემძლე ხელმა "უსახო უსახო ნივთიერებისაგან სამყარო შექმნა" (თ. XI,18). ნივთიერების სწორედ ასეთ მდგომარეობას - უსახოს ანუ სახის არმქონეს ეწოდება ამორფული ანუ უფორმო მატერია

link

პირველად მსოფლიოში "მანათობელი გზა" აღიწერა ბიბლიაში
რეაქტიული თვითმფრინავის ან რაკეტის უკან რჩება მანათობელი ვიწრო ზოლი. ასეთი მნათი გზა პირველად აღიწერა ბიბლიაში, იქ, სადაც საუბარია სიმბოლური მხეცის - წმინდა წერილში დამოწმებული სატანის ერთ-ერთი წინასახის - ლევიათანის შესახებ და ნათქვამია, რომ იგი "თავის უკან ასხივებს ბილიკს" (წიგნი იობისა, თ. XLI,24).
შეიძლება ითქვას, რომ წყალქვეშა ნავის აღმოჩენაც იმის გამო არის შესაძლებელი, რომ იგი თავის უკან ტოვებს მნათ კვალს - გამთბარი წყლის ჭავლებს, რომლენსაც "იჭერენ" თანამედროვე ზემგრძნობიარე მოწყობილობანი

link

ვინ თქვა პირველად მეხუთე განზომილების შესახებ
მეცნიერები საკმაოდ დიდხანს ფიქრობდნენ, რომ სამყაროს ოთხი განზომილება აქვს: სამი სივრცითი და ერთი დროისა. 1921 წელს ფიზიკოსმა კალუცამ შემოიღო ხუთგანზომილებიანი სისტემა; გასაოცარია, მაგრამ ეს ფაქტი ფიზიკაში დიდ მოვლენად ითვლება, მაშინ როდესაც სხვა განზომილების, სხვა სამყაროს არსებობის შესახებ ყოველთვის ასწავლიდნენ მართლმადიდებლური ეკლესიის წმინდა მამები, რომლებიც ამტკიცებდნენ, რომ ჩვენი (ოთხგანზომილებიანი) სამყაროს გარდა არის სხვა სამყაროც, რომელიც მუდმივად და ყველგან სუფევს აქვე, ჩვენივე სამყაროში - ისინი განუყოფელია

link

ვინ თქვა პირველად "ტროგლოდიტი"
რუსეთში ამ სიტყვის გამოყენება პირველებმა დაიწყეს არა სწავლულმა არქეოლოგებმა, არამედ მორწმუნეებმა, რამეთუ პირველად ამ სიტყვის ამოკითხვა შესაძლებელი იყო ბიბლიაში: "გამოვიდა სუსაკ მეფე ეგვიპტისა იერუსალემსა ზედა, რამეთუ შესცოდეს წინაშე უფლისა. ათას ორასითა ეტლითა და სამოცი ათასითა ცხენოსნითა და არა იყო რიცხვი ერისა, რომელი მოვიდა მისთანა ეგვიპტითაგან, ლივიანნი, თროღოდითანნი და ეთიოპელნი" (II ნეშტთა, თ. XII, 2-3).
ღირსი იოანე კარპატელი "ფილოკალიაში" (თავი 87-ე, ასევე "თავნი დამმოძღვრებელნი") ახსენებს აგრეთვე ამ ტროგლოდიტებს და მათ ველური ზნის გამო ეშმაკებს ადარებს.

link

ვინ თქვა პირველად "თხევადი ჰაერი"
მეცნიერებმა გამოიგონეს თხევადი ჟანგბადი - აზოტი. ნებისმიერი გაზი შეიძლება გადაყვანილ იქნას როგორც თხევად, ასევე მყარ მდგომარეობაში. თუმცაღა გამოთქმა "თხევადი ჰაერი" ჩვენს მეცნიერებს როდი შემოუღიათ, იგი ბიბლიიდანაა აღებული. ამ გამოთქმას იყენებდნენ წმინდა მამებიც შესაქმის განმარტებისას. წმინდა ბასილი დიდმა კი თავის წიგნში "ექუსთა დღეთაი" თქვა: "შედედებული ჰაერი".
ბიბლიაში გამოთქმა "თხევადი ჰაერი" მოყვანილია უკუღმართად მოაზროვნე მატერიალისტთა საუბრების კონტექსტში: "ნაცარ იქმნეს ხორცი, და სული ჩვენი განიფინოს ვითარცა რბილი ჰაერი" (სიბრძნე სოლომონ. თ.II,3)

link

ვინ თქვა პირველად ენერგიის შენახვის კანონის შესახებ
მატერიისა და ენერგიის შენახვის კანონის შესახებ მეცნიერებმა XVIII ს-ში შეიტყვეს - მიხეილ ლომონოსოვი მიუთითებდა მატერიის მუდმივობის თაობაზე. ბიბლიაში კი ამაზე ჯერ კიდევ ქრისტეს შობამდე მერვე საუკუნეში, ანუ დაახლოებით 2800 წლის წინათ იყო ნათქვამი. ესაიას წინასწარმეტყველებაში საუბარია ღმერთზე, რომ "არავინ დააკლდება ძალმოსილს და ყოვლადძლიერს" (თ. XL,26).
დღეს მოსწავლეებმაც კი იციან, რომ სამყაროში უკვალოდ არაფერი არ ქრება, არამედ ერთი ფორმიდან მეორეში გადადის. ცხადია, თუკი მუდმივია მატერია, მით უფრო მარადიულია სული, სულიერი აზრები, მარადიულია სიცოცხლე

link

ვინ თქვა პირველად, რომ დედამიწა მრგვალია
ეს პირველად XVI ს-ის მეცნიერებსა და მოგზაურებს არ უთქვამთ. ერთ-ერთი პირველი, ვინც ეს აზრი გამოთქვა, წმ. იოანე ოქროპირი იყო, როცა იგი ესაიას წინასწარმეტყველებას განმარტავდა (თ.XL,22):
"ხედა, რომ დედამიწა წრეა? წრე მიგვანიშნებს დედამიწის მრგვალ ფორმაზე. აუცილებელია ამის ცოდნა, რათა არ შეგვაცდინოს წარმართი ფილოსოფოსების არაკებმა, რომლებიც ფიქრობენ, რომ დედამიწა ღარტაფს, ლანგარს ან რაღაც ამდაგვარს ჰგავს".
მაშ, ესაიას წინასწარმერტველების განმარტებაში წმინდა იოანე ოქროპირი ბრძანებს, რომ დედამიწას მრგვალი ფორმა აქვს. ის კი, რომ იგი იდეალური ფორმა არ გახლავთ, ყველასათვის ცხადზე ცხადია, ვისაც კი ოდესმე მიწაზე წაუბორძიკნია

link

ვინ თქვა პირველად, რომ სამყარო ვაკუუმისაგან წარმოიშვა
XX საუკუნის ფიზიკოსები ამტკიცებენ, რომ სამყარო აღმოცენდა და შეიქმნა ვაკუუმისაგან, რომელიც თავიდან ფართოვდებოდა (ინფლაციური თეორია), რომ ის (სამყარო) წარმოშობილი იქნა თითქმის ნულის ტოლი წერტილიდან. "ვაკუუმი" ლათინური სიტყვაა და ნიშნავს სიცარიელეს, ცარიელ სივრცეს.
გასაოცარია, რომ ეს სიახლე (სიახლე ფიზიკოსთათვის) 2000 წლის მანძილზე ყოველდღიურად იქადაგებოდა მთელი მსოფლიოს მართლმადიდებელ ეკლესიებში. ეკლესია მუდამ ამტკიცებდა, რომ ღმერთმა სამყარო არაფრისგან შექმნა.
ცხადია, ფიზიკოსები სკოლაში ცუდად სწავლობდნენ საღმრთო სჯულს, რადგან მათ ხელახლა "აღმოაჩინეს" ის, რაც ქრისტიანობაში თვით ყრმებისთვისაც კარგადაა ცნობილი

link