ავტორი:
წმ. იოანე ოქროპირი
თემა: ძვირის ხსენება
მითხარ-ღა რომელი უმჯობეს არს, გინა უადვილეს ამისა, თუ დავსცხრეთ შფოთისა და მანკიერებისაგან შემაწუხებელთა ჩუენთაისა. ნუუკუე შორსა გზასა გაიძულებაა შენ წარსლვასა მკვირცხლ, გინა მონაგებთა და საფასეთა წარგებასა, გინა მოწლედ ვედრებასა მეფეთა და მთავართასა? არამედ გვიღირს ნებაი ოდენ კეთილისაი, და საქმე სრული ქმნულ არს. აწ უკუე რომელთა სატანჯველთა ღირს ვართ შევრდომად, რამეთუ კნინისა და უნდოისა საქმისათვის, რომელი თანა-აც მონათა აღსრულებად, დაგვიტევებიეს იგი და მოგვიგიეს თავისა ჩუენისა საქმე, რომელი არა ჯერ არს.
|
|
|
