ტალანტი ადამიანის სიცოცხლეა, უფალი ყოველ ადამიანს აძლევს ტალანტს, სანამ ცოცხალია უნდა განამრავლოს. არავინ დაჰკარგოს ღვთის ეს დიდი წყალობა, ათი ტალანტი მიეცა პატრიარქსა და მეფეს, ხომ უნდა მართონ ერი. მაგრამ ახლა პატრიარქის ჯვარი დამძიმდა, თავის ჯვრის გარდა, მეფის ჯვარიც მას მიაქვს. სანამ მეფე არ გვეყოლება, საქართველოს არაფერი ეშველება. როგორ, სკიპტრა არ უნდა ჰქონდეს ერს? ამოვთხაროთ მაშინ საფლავიდან ნანა და მირიანი, ვახტანგ გორგასალი, თამარ მეფე და დავით აღმაშენებელი. არ ყოფილან ისინი საჭირო.

შენი ტალანტი რწმენაა, ამრავლე და უთხაი სხვებსაც. ვთქვათ, მუსულმანმა აიღო სახარება, გადაშალა და გადადო გვერდზე. ესე იგი არ მიეცა ტალანტი მისი გაგების. აიღე შენ სახარება, წაიკითხე და დაიწყე კეთება, რაც შიგ წერია. ესე იგი მოგეცა ტალანტი, მაგრამ ვაითუ, ხუთი ტალანტი მოგეცა და შენ სამზე გაჩერდი. ტალანტი უნდა ამრავლო, რასაც კარგს გაიგებ უნდა აკეთო