წმ. მოციქული პავლე ბრძანებს, რომ ქრისტიანული სრულქმნილება არის ღვთისმიერი ცხოვრება და წარმატების იმდენადვე უსასრულო ასპარეზი, რამდენადაც უსასრულოა თვით ღმერთი (ფილიპ. 3.12). სისრულე სულიწმიდასთან ხილულად ზიარებას ნიშნავს, რომელიც, როდესაც ქრისტიანში დაემკვიდრება, მის ყველა სურვილსა და ფიქრს მარადისობისაკენ მიიზიდავს... როგორც თქვა დავით მეფემ: „ვითარცა სახედ სურინ ირემსა წყაროსა მიმართ წყალთასა, ეგრე სურინ სულსა ჩემსა შენდამი ღმერთო!“ (ფსალმ. 41,2).