გარნა რით იყო შესანიშნავი და კაცის გულის მიმზიდველი ედემი? ნუთუ მხოლოდ

გარნა რით იყო შესანიშნავი და კაცის გულის მიმზიდველი ედემი? ნუთუ მხოლოდ გარეგანი მოხდენილობა, მარტო საამური შეხედულება და საოცნებო განწყობილება შეადგენდნენ ედემის უმაღლეს მშვენებას? არა! ედემი ძვირფასი და სანატრელი იყო პირველი კაცისთვის იმით, რომ იქ ეცხადებოდა მას ცისა და ქვეყნის გამჩენ-დამბადებელი ღმერთი და პირისპირ, გულშემატკივარი მამის მსგავსად ასწავლიდა, სწრთვნიდა მას სიკეთეში. აი უმაღლესი მშვენიერება სამოთხისა, აი უმთავრესი ღირსება მისი.