ეგების ვინმემ იფიქროს, თუ ენა ბოროტისაგან არა დააცხრო, სხუა კეთილით ცხონდეს. ჭეშმარიტი უნდა

ეგების ვინმემ იფიქროს, თუ ენა ბოროტისაგან არა დააცხრო, სხუა კეთილით ცხონდეს. ჭეშმარიტი უნდა გავაცხადო, მოციქული ასე გვამცნებს: „ყოველი განცხადებული ნათელ არს“. ყოველი მოღუაწება რომ ვინმემ აღასრულოს, თუ ენა კეთილად დაცული არა აქუს, საუკუნო ცხოვრებას ვერ მიიღებს. თვით უფალი იესო ამტკიცებს: „სიტყუათა შენთაგან დაისაჯო“. სად წარმოჩნდა შენი ცხოვრება, რადგან კი დაისჯები? საყვარელო, ამას კეთილი განჰსჯით მიხედე. ცხოვრება და წარწყმედა სიტყვისაგან არის, თვით ქრისტე გიბრძანებს ამას: „სიტყვათა შენთაგან განმართლდე და სიტყვათა შენთაგან დაისაჯო“. თვით საქმით წარმოგიჩინო, რომ სიტყვით არის ცხოვრება და წარწყმედა: სიტყვით წარწყმდა მარცხენით ავაზაკი, სიტყვით ცხოვნდა მარჯუენით ავაზაკი.