link

ნუ იფიქრებ, რომ შენთვის მხოლოდ სახარების კითხვა კმარა - წმ. მამათა დაუხმარებლად. ესაა სახიფათო, ამპარტავნული აზრი. უმჯობესია წმ. მამებმა მიგიყვანოს სახარებამდე, როგორც საყვარელი შვილი, რომელიც წინასწარ მათგან მიიღებს სწავლა-განათლებას.

link

ნუ გაკადნიერდები საკუთარი გონებით განმარტო სახარება და წმიდა წერილის სხვა წიგნები. წმ. წერილი წინასწარმეტყველთა და მოციქულთა გამოთქმულია არა თვითნებურად, არამედ სული წმიდის კარნახით. მაშ, განა უგუნურება არ არის მისი თვითნებური განმარტება?

link

წმ. მამები გვასწავლიან, როგორ მივეახლოთ სახარებას, როგორ ვიკითხოთ იგი, სწორად როგორ გავიგოთ; გვიხსნიან, რა შეეწევა და რა აბრკოლებს მის გაგებას. ამიტომ თავიდან წმ. მამების კითხვას გირჩევ, ხოლო როდესაც ისინი სახარების კითხვას გასწავლიან, მერე უკვე ძირითადად სახარება იკითხე.

link

სული წმიდამ, რომელმაც წმიდა წერილი წინასწარმეტყველთა და მოციქულთა მეშვეობით წარმოთქვა, განმარტა კიდეც იგი წმიდა მამათა პირით. წმიდა წერილიც და მისი განმარტებაც სული წმიდის ნიჭია. მხოლოდ ამ ერთადერთ განმარტებას ღებულობს წმიდა ეკლესია! მხოლოდ ამ ერთადერთ განმარტებას ღებულობენ ეკლესიის ჭეშმარიტი შვილები!

link

ღმერთის სიტყვა, ცხონების სიტყვა, მის კადნიერ განმმარტებელთათვის იქცევა სასიკვდილო შხამად, ორლესულ მახვილად, რომლითაც ისინი საკუთარ თავებს საუკუნო სიკვდილისთვის წირავენ. ასეთი თვითმკვლელნი იყვნენ: არიოზი, ნესტორი, ევტიქი და სხვა მწვალებლები, რომლებიც წმიდა წერილის თვითნებური და კადნიერი განმარტების გამო ღმრთის გმობაში ჩაცვივდნენ.

link

წმიდა წერილის სწორად გაგება შეუძლიათ მხოლოდ გულით სუფთა ადამიანებს. ისინი გულისხმაჰყოფენ ღვთის ნებასა და განზრახვას; ხოლო ვნებებისაგან განუწმენდავი გულის ადამიანებს წმიდა წერილის კითხვა დაბრკოლების ლოდად ექცევათ. ამიტომ უნდა ვიკითხოთ წმიდა მამათა თხზულებები, სადაც ისინი წმიდა წერილს განმარტავენ.

link

ნუ გაკადნიერდები და ნუ განმარტავ სახარებას და წმიდა წერილის სხვა წიგნებს. სულიწმიდამ განმარტა იგი წმიდა მამების მეშვეობით... ისეც მომხდარა, რომ ღვთის სიტყვა, მაცხოვრის სიტყვა, მისი კადნიერად განმმარტებლებისათვის ორლესულ მახვილად ქცეულა, რომლითაც მათ საკუთარი თავი სამუდამოდ დასაღუპად განუგმირავთ (წმ. ეგნატე ბრიანჩანინოვი).

link

link

link