ღვთაებრივი სავსებისაგან, რომელიც ღმერთკაც იესო ქრისტეში განხორციელდა, განუწყვეტლივ გადმოიღვრება აღურაცხელი და აუწყველი საღმრთო ძალნი, ყოვლად აუცილებელნი ადამიანური არსებისათვის, ხსნისათვის, განღმრთოების, ეკlესიის წიაღში შესვლის, ქრისტეს თანამოზიარედ და თანა–მყოფად გახდომისათვის, ანუ იმისათვის, რომ სულიწმიდის თანამოზიარე და ყოვლადწმიდა სამების ნაწილად შეიქნას. ყველა ეს ღვთაებრივი ძალა ერთი სიტყვით – მადლით იწოდება.