თავმდაბლობის მადლი.

მოყვასისგან შეურაცხყოფილი ერთი მონაზონი აბბა სისოი თებაიდელთან მივიდა და გაუმხილა, რომ მაჭირვებელზე შურისძიების სურვილი ჰქონდა. აბბა სისოი შეეცადა, მისთვის ბოროტი განზრახვა გადაეთქმევინებინა, მაგრამ ვერაფერს გახდა და მონოზონს უთხრა:
    -მოდი, ძმაო, უფლის მიმართ ერთად ვილოცოთ, - დადგა და ასეთი სიტყვებით დაიწყო ლოცვა:
    -უფალო, ახლა უკვე შენ იმედზე აღარ ვართ, რადგან თავად ვზრუნავთ საკუთარ თავზე და ჩვენს შეურაცხმყოფელზე შურსაც ვიძიებთ.
    ამ სიტყვების მოსმენაზე დამცირებული მონოზონი თვალცრემლიანი დაემხო ღირსი სისოის ფერხთით.
    -ვაპატიებ ჩემს ძმას ყველაფერს, რაც კი ჩემ მიმართ ჩაუდენია.
    მაშინ ბერმა უთხრა:
    -გჯეროდეს, ძმაო, რომ ვინც უსიტყვოდ დაითმენს ყოველგვარ დამცირებას, ოქროს გვირგვინსაც ადვილად მიიღებს ჩვენი უფლისგან; ხოლო მრისხანე ადამიანი ფეხქვეშ თელავს ყოველგვარ სიკეთეს და თავს ეშმაკის მონად აქცევს