ჩვენ ვიცით, რომ ადამი სწორედ იმისთვის იყო მოწოდებული, რომ ღმერთი უნდა გამხდარიყო. მაგრამ მან

ჩვენ ვიცით, რომ ადამი სწორედ იმისთვის იყო მოწოდებული, რომ ღმერთი უნდა გამხდარიყო. მაგრამ მან ღმერთის გარეშე - უღმერთოდ დააპირა ღმერთობა. ყოველ ჩვენგანს უნდა სამოთხეში დაბრუნება - ეს არის სურვილი, გავხდეთ ღვთის მსგავსნი. ღვთის მსგავსება არის განღმრთობა, ოღონდ არა ბუნებით, არამედ მადლით. მადლისმიერი ღმერთობის, განღმრთობის ნაცვლად, ადამმა მოინდომა, გამხდარიყო ღმერთი უკანონოდ, მოეპარა ეს სიდიადე და ღირსება; კანონიერი გზით კი არ მიეღო, არამედ ღვთისადმი ურჩობით, მცნების დარღვევით და ღალატით უფლისადმი, რომელიც მისი ზეციური მამა იყო.