რას ნიშნავს პრაქტიკული მოღვაწეობა?

საქმე, ანუ პრაქტიკული მოღვაწეობა იმას არ ნიშნავს, რომ კაცმა ოდენ მოსინჯოს და უკან დაიხიოს, არამედ იმას, რომ შევიდეს, შეეჭიდოს, სძლიოს, იძლიოს, მოიგოს, წააგოს, ყველაფერი ააწრიალოს და ბრძოლას უკანასკნელ ამოსუნთქვამდე ელოდოს; და არასდროს გაუთამამდეს თავის თავს მანამ, სანამ სული სხეულიდან არ გავა, არამედ, თუ ზეცად ავა, ელოდოს, რომ მეორე დღეს ქვემოთ ჩავა. იმას აღარ ვიტყვი, რომ შეიძლება იმწუთასვე მოხდეს ჩასვლაც. ამიტომაც კაცს [შინაგანი მდგომარეობების და გარეგნული ვითარების] ცვლილებები არ უნდა ეუცხოვოს, არ გაუკვირდეს, არამედ ორივე თვალწინ ჰქონდეს, რადგან ორივე მისია.