ღვთისმეტყველება უფალთან ყოფნაა, თუმცა განყენებული ღვთისმეტყველება, როგორც ცალკე აკადემიური მეცნიერება, მაინც არსებობს და ეს გარდაუვალია მსოფლიოს ისტორიული პირობითობების გამო. არსებობს საშიშროება, რომ რწმენის გარეშე ამგვარი ღვთისმეტყველება შეიძლება გაემიჯნოს ჭეშმარიტ სულიერ ცხოვრებას და განყენებულ ფილოსოფიად იქცეს ან კიდევ დაემსგავსოს ცრურწმენას, რომელიც მოკლებული იქნება მაცხოვნებელ და ცხოველმყოფელ ძალას.