რა მარჯვედ, ერთ წამში, უეჭველად და ერთი ხელის დაკვრით შეუძლია უფალს ჩვენი ხსნა. დღისით ცოდვით დამძიმებული, მწუხრის ლოცვის შემდეგ დამშვიდებული და გამართლებული დავრჩენილვარ, თოვლზე უსპეტაკესად გამთეთრებია ხოლმე სული, სული წმინდის მადლით დაურღვეველი სიტკბოება დამდებია გულს. დაილევიან ჩვენი დღეები და ჩვენი ცხოვრების მწუხრზე ასევე გაადვილდება ღვთისთვის ჩვენი გამოხსნაც. ო, მაცხოვნე, მაცხოვნე, ყოვლადსახიერო უფალო და მიმიღე შენც ზეციურ სამეფოში! შენ ყველაფერი შეგიძლია. "თვისისა უფლისა დგეს, გინა თუ დაეცეს სამე, რამეთუ შემძლებელ არს ღმერთი დადგინებად მისდა" (რომ.14,4).