სხვაგვარი ღვაწლი ხვდა წილად ჩვენს დროს, შეერთებული მრავალ სიძნელესა და წინააღმდეგობასთან. მოგზაურობა გვიხდება არა დღისით, მზის სინათლეზე, არამედ ღამით, მთვარისა და ვარსკვლავების მკრთალ შუქზე, სახელმძღვანელოდ მოგვეცა წმ. წერილი – ამას პირდაპირ ამბობენ წმ. მამები... ნუ იფიქრებთ, თითქოს ჩვენი ღვაწლი მოკლებული იყოს მწუხარებებსა და გვირგვინებს – არა! იგი მოწამეობასთანაა შეერთებული. ეს მოწამეობა ჰგავს ლოთის ტანჯვას სოდომში: მართალი ლოთი იტანჯებოდა გარშემო გამეფებული გაუთავებელი და დაუოკებელი მრუშობით.