კაცთმოყვარეს უწოდებს ღმერთს კაცთმოძულე ეს მტერი ჩვენი სიძვის ეშმაკი, გვეტყვის, რომ ამ ცოდვას, როგორც ბუნებითს, ადრე მოგივტევებს ღმერთი. ხოლო ჩვენ ვნახეთ მზაკვარება ეშმაკთა, რადგან დაცემის შემდეგ მართლმსაჯულსა და უწყალოს უწოდებენ მას. რადგან, დაცემამდე ხერხს მიმართეს, რათა ცოდვისაკენ მიგვიზიდონ, ხოლო დაცემის შემდეგ ისევ იხმარეს ხერხი, რათა სასოწარკვეთილებაში ჩაგვაგდონ.