სულიერი მდელო - ციტატები, გამონათქვამები

როდესაც ადამიანი ღმრთისადმი თავის მსახურებას ზღუდავს, მაშინ ღმერთიც ზღუდავს თავის კეთილქმედებას მისადმი

როგორებიც ვართ ღვთისათვის, ისეთია ღმერთი ჩვენთვის. ადიდე უფალი და თავად მიიღებ ჯილდოს მისგან

რაც უფრო მეტი მზის სხივი ეცემა ყვავილებს და სხვა მცენარეებს, მით უფრო მეტ კეთილსურნელებას გამოსცემენ ისინი მზის მიმართულებით, ჩვენი მზე - ღმერთია; მადლიერნი ვიყოთ მისი - ყვავილთა მსგავსად

უფალი აძლევს და უმრავლებს თავის ძღვენს მას, ვინც ღებულობს სიმდაბლითა და მადლიერებით, უმადურს კი ისიც წაერთმევა, რაც ეგონა, რომ მუდამ მისი იქნებოდა.

ის, ვინც უფლის გულმოწყალებაზე დაყრდნობით ცოდვებს არ შეწყვეტს, უნდა ეკრძალოს, რომ საკუთარ თავზე მისი მართალი მსჯავრი არ გამოსცადოს

ღმერთი გულმოწყალეა, მაგრამ სამართლიანი. უსასრულოდ გულმოწყალე, მაგრამ, ამავე დროს, უსაზღვროდ მართლმსაჯული

თუკი უფალი გადადებს თავის სასჯელს, შენ ნუ გადადებ შენს გამოსწორებას

ღმერთი რაოდენ დიდხანს გითმენდა და გითმენს! მიუხედავად ამისა, შენ მაინც არ გამოსწორებულხარ

უფალი თავისი მოთმინებისა და კაცთმოყვარეობის გამო დიდხანს აფრთხილებს, ვიდრე შემუსრავს

იმისათვის, რომ არ შესცოდო, საჭიროა, ღვთის სამართლის შიში გქონდეს: ცოდვილი სასოწარკვეთილებას რომ არ მიეცეს, ღვთის გულმოწყალების იმედი უნდა ჰქონდეს