გული - ციტატები, გამონათქვამები

თუ შენი გული მორჩილების ზეთით ავსებული და ღვთის სიყვარულის ცეცხლით ანთებული კანდელი არ არის, მაშინ უსარგებლოდ ანთებ ტაძარში კანდელს!

არცთუ იშვიათად ხდება, რომ მკვეთრად ანთია ჩვენი სანთელი წმიდა ხატის წინ, გულში კი ცოტა სითბო და სანთელი გვაქვს.

თუ ღვთის ტაძარში მოდიხარ, უპირველესად აანთე სანთელი საკუთარ გულში (ლუკ. 12, 35), დაუნთე ხილულად მეორე, თუ შეძლებ (2 კორ. 9, 7) ღმერთს, ანდა - მის წმიდანს და გულმოდგინედ ილოცე, ვიდრე სანთლები იწვიან.

ჩვენი ლოცვა უმეტეს შემთხვევაში არ შეისმინება, ანდა, როგორც იტყვიან, ღმერთამდე არ აღწევს, რადგან ის თვით ჩვენამდეც არ აღწევს - ჩვენი სულიდან და გულიდან არ ამოდის.

გულის განწყობის მიხედვით ფასდება შესაწირი დიდია თუ მცირე: მხოლოდ იგი ადებს საგნებს ნამდვილ ფასს.

სჯულიერი სწავლების აზრი და შინაარსი, მართალია, კაცის ჭკუამ ანუ გონებამ უნდა შეიცნოს, მაგრამ მისი დაჯერება, დარწმუნება და შეტკბობა გულის საქმეა. სხვაა რომელიმე აზრის მიღება და გაზიარება, სხვა დარწმუნება და შეტკბობა.

ჩვენი გულები - ყანაა, რომელზეც ადვილად შესაძლებელია, დაითესოს სსარეველა, თუ საკუთარ თავს დიდი ხნის განმავლობაში უყურადღებოდ დავტოვებთ.

მტკივნეულად იკუმშება გული, ცოდვის სიტკბოებას განშორებული, რომელიც ცხონების სიტკბოებისაკენ მიისწრაფის.

ჭეშმარიტი ქრისტიანი ისაა, ვინც ქრისტეს გულით ატარებს

ვინაიდან ყოვლისშემძლე შემოქმედს თანასწორი არა ჰყავს, ამიტომ ჩვენი სიყვარულის გაყოფა არავისთან უნდა და ჩვენგან მთელ გულს მოითხოვს. არ სურს, რომ ეს სიყვარული ღვთისადმი სრულყოფილ სიყვარულს თუნდაც მცირეოდენ დაბრკოლებად ექცეს.