სულიერი მდელო - ციტატები, გამონათქვამები

თავი ავარიდოთ ავისმეტყველებას, ამ უდიდეს და სამწუხაროდ, ძალზედ გავრცელებულ ცოდვას; მომაბეზრებელი ბუზებივით ნუ მივეტანებით სხვის ჭრილობებს; უმჯობესია, მივბაძოთ გონიერ ფუტკარს, რომელიც ყოველთვის ყვავილებზე ჯდება.

ჩუმად მამხილებელი მეგობარი გონიერი ექიმია, ხოლო მრავალთა თვალწინ მკურნალი - მაგინებელია

ნუ იჩქარებ მოყვასის მხილებას, არამედ ამისთვის შესაფერისი დრო ეძიე

ცოდვილ მეგობარს მსაჯულის შესახებ შეახსენე. ამით მასაც სარგებელს მოუტან და საკუთარ თავსაც; რამეთუ ეს რჩევითი მკურნალობა სასარგებლოა როგორც მისთვის, ისე - შენთვის.

ვინც მოყვასის ცოდვებს აზვიადებს, ის თვითონ ძალზე პატარაა ღვთის თვალში

ჩვენ საკუთარ თავს ვაყენებთ შეურაცხყოფას, როდესაც ამას სხვას ვუკეთებთ

უმჯობესია, საკუთარ თავზე ცუდი მოისმინო, ვიდრე - სხვაზე თქვა ცუდი

სხვებზე ცუდს ამბობ და მათში მცირე ნაკლოვანებასაც კი ამჩნევ; როგორც ჩანს, არ გეშინია, რომ ისინი შენს უფრო დიდ ნაკლოვანებებზე ილაპარაკებენ!

სხვებზე ცუდს ამბობ; როგორც ჩანს, არ გეშინია, რომ ისინი ცუდს იტყვიან შენზე, რამეთუ თვითონ აძლევ მათ ამისთვის საბაბს.

ნურასოდეს იტყვი სხვაზე იმას, რისი მოსმენაც საკუთარ თავზე არ გსურს