ცოდვათა მიტევება, შენდობა - ციტატები, გამონათქვამები

მტრისთვის მიმტევებელი და ავისათვის სიკეთის მქმნელი მიემსგავსება არომატს, რომლითაც აღვსილია მისი დამწველი ცეცხლი.

მტრისთვის მიტევება სისუსტის კი არა - უდიდესი სულის ნიშანია

წყენისათვის შურისძიება ნიშნავს, საკუთარი თავი ჩვენივე მტრის დონეზე დავაყენოთ; ხოლო მიტევება - მასზე ამაღლებას.

მტრისთვის შენდობით შეგიძლია, იგი შენს მეგობრად აქციო

განა არ შეგიყვარდებოდა ის ადამიანი, რომელსაც აწყენინე, მან კი დიდსულოვნად მოგიტევა? ასევე მოექეცი შენც, რათა მტრებისგანაც კი სიყვარული მოიხვეჭო.

არაფერია იმაზე უსაფრთხო, ვიდრე მტრისთვის მიტევება; არაფერია იმაზე საშიში, ვიდრე შურისძიება მასზე.

როგორ იტყვი: "უფალო შემიწყალე!" როდესაც თვითონ შემწყნარებელი არა ხარ?

ნუ დავივიწყებთ ქრისტიანებო, შევიწყალოთ მანამდე, ვიდრე უფალს ჩვენს შეწყალებას ვთხოვთ.

შემწყნარებელი ვიყოთ მტრების მიმართ, რათა იგივე მივიღოთ ღვთისაგან

დაინდეთ ერთმანეთი და უფალი დაგინდობთ