პატივმოყვარეობა, დიდებისმოყვარეობა - ციტატები, გამონათქვამები

დაიფარე შენი გული პატივმოყვარე ზრახვებისგან ისევე, როგორც ქონებას იცავ ქურდებისგან, ტანსაცმელს - ჩრჩილისგან, ვენახს კი - მტაცებელი ცხოველებისა და ფრინველებისგან.

როგორც ვენახს შემოხვეული სურო მოაშთობს მის ნაყოფს, ასევე პატივმოყვარეობა ანადგურებს მოსაგრის შრომას.

პატივმოყვარეობა წყალქვეშა ქვაა, თუ მას წამოედები, ტვირთს დაღუპავ

სათნოების მოსაგრეობაში წარმატებულთათვის პატივმოყვარეობა და ამპარტავნება იგივეა, რაც სანაპიროსთან ახლოს მყოფი წყალქვეშა ქვები, რომლებიც ხანგრძლივი ცურვის შემდეგ უკიდურეს სასიკვდილო საფრთხეს უქმნიან მათ, ვინც გადაურჩნენ გემის ჩაძირვ... იხილეთ სრულად

ქარი ადამიანის კვალს შლის, პატივმოყვარეობა კი მოწყალებისა

პატივმოყვარის თავშეკავება იგივეა, რაც ღუმელში - ცეცხლი; ერთიც და მეორეც ჰაერში იფანტება

პატივმოყვარის მიერ აღსრულებული სათნოება "შემუსვრილი მსხვერპლია" (ლევ. 22, 22) და ღვთის სამსხვერპლოზე შეწირული არ იქნება.

როგორც ნაყოფი ნესტიან ადგილას მალე ფუჭდება, ასევე კვდება პატივმოყვარეობით აღსრულებული სათნოება.

პატივმოყვარეობა კეთილ, ადამიანურ საქმეებსაც ამაოს ხდის

რასაც ჩრჩილი ვერ შეჭამს და ქურდი ვერ მოიპარავს, იმას პატივმოყვარეობა მიიტაცებს.