სულიერი მდელო - ციტატები, გამონათქვამები

ვინც მცირეში მარცხდება, ის დიდშიც დამარცხდება, ხოლო ვინც მცირეს დაამარცხებს, ის დიდსაც მოერევა.

უფრთხილდით მცირედის არად მიჩნევასა და მის სიძულვილს, როგორც - მცირესი და არარაობისა; ის მართლაც მცირე როდია, რადგან მისი მეჩვეობით ცუდი ჩვევა გამომუშავდება.

როდესაც თავდაპირველად საკუთარ თავში ნაკლოვანებას დაუშვებ, ნუ ჩათვლი, რომ ის ვერ დაგჯაბნის; რადგან, რამდენადაც უკვე მიცემული ხარ ამ ცოდვას, მან უკვე გაიმარჯვა შენზე.

დათრგუნე ცოდვა დასაწყისშივე, ვიდრე იგი მცირეა და ადვილია მისთვის წინააღმდეგობის გაწევა. კარგს არაფერს მოიტანს, თუ მას გაზრდისა და შენში განმტკიცების საშუალებას მისცემ; მისგან კი როგორც ჩაუქრობელი ნაპერწკლიდან ცეცხლი - ცოდვილი ჩვევ... იხილეთ სრულად

არ არსებობს ტირანია, რომელიც უფრო აუტანელი იქნებოდა, როგორც ჩვევა; ტყუილად როდი უწოდებენ მას მეორე ბუნებას.

ქრონიკული ავადმყოფობები მხოლოდ უდიდესი მცდელობით, მუდმივი ძალდატანებით იკურნება; იგივე უნდა ითქვას ცოდვილ ჩვევებზეც

რაოდენ ნაკლებმნიშვნელოვანი და საძაგელიც არ უნდა იყოს ცოდვა, ჩვეულება მას ნაკლებმნიშვნელოვნად და არარაობად წარმოაჩენს.

თუ ყოველგვარი ცოდვა სულიერ ხედვას ამუქებს, მაშ, შეიძლება ითქვას, რომ ცოდვილი ჩვეულება ჩვენს თვალში წარმოშობს მუქ წყალს, რომლის საწინააღმდეგო წამალი არ არსებობს.

ცოდვის ჩადენა ადვილია, მისგან განთავისუფლება კი - ძნელი

ცოდვისათვის თავის არიდება უფრო ადვილია, ვიდრე მასთან ბრძოლა