სულიერი მდელო - ციტატები, გამონათქვამები

უფრთხილდი ვინმეს განკითხვას მანამ, ვიდრე თვით უფალი განსჯიდეს მას

სასოწარკვეთილებას ნუ მიეცემი ნურავის ცხონების გამო, ვიდრე ადამიანს ჯერ კიდევ აქვს სინანულის დრო.

ღვთის სამსჯავრო ჯერ არ ყოფილა. მაშ, ნურც შენ განსჯი დროზე ადრე ნურცერთ ადამიანს. შესაძლოა, ცოდვილი გამოსწორდეს, ცუდი კი კეთილი გახდეს.

სასოწარკვეთას არ უნდა მივეცეთ ბოროტმოქმედთა გამო, არამედ - გულმოდგინედ უნდა ვილოცოთ მათთვის, რომ კეთილნი გახდნენ. წმიდანთა რიცხვი ყოველთვის ცოდვილთაგან ივსება.

ნურავის განიკითხავთ დროზე ადრე; ისინი, ვინც ცათა სასუფევლისგან ყველაზე შორს გვგონია და რომლებიც ჩვენ, შესაძლოა, გვძაგს ამის გამო, იქნებ წმიდანები გახდნენ და ოდესმე ამის გამო ჩვენ განგვიკითხონ.

არ უნდა დაგვავიწყდეს ერთი ბრძენის სწავლება: "ნურასოდეს იტყვი ცუდს მასზე, ვინც იმ წუთას იქ არ არის".

ცოდვილთა განკითხვისგან თავს შეიკავებ, თუ ყოველთვის გემახსოვრება, რომ იუდა ქრისტეს მოწაფეთა კრებულში იყო, ავაზაკი კი - მკვლელთა; მაგრამ ერთ წამში მათში სასწაულებრივი გარდასახვა მოხდა.

ნუ განიკითხავ ცოდვილს, რაც არ უნდა დიდი იყოს მისი ცოდვები, რადგან, თუ ის იგრძნობს თავის დანაშაულებათა სიმძიმეს და ღვთისკენ მობრუნდება, შესაძლოა, უფალი უფრო მეტად შეიყვაროს, ვიდრე მან, ვისაც მძიმე ცოდვები არა აქვს.

აშკარა ცოდვებიც კი არ უნდა გაახმაურო

მოყვასის სიყვარულის დამოწმება მისი არაგანკითხვით დასტურდება