ღმერთი - ციტატები, გამონათქვამები

ქრისტიანი მოძულებულია წუთისოფლისგან, სამაგიეროდ შეყვარებულია უფლისგან

ადამიანი, რომელიც ცდილობს საკუთარი თვალით იხილოს ღმერთი, ვერსად იპოვის მას, რამეთუ ღმერთი უხილავია. ხოლო, ვისაც სულიერი თვალი ახელილი აქვს, იმისთვის ღმერთი ყველგან არს, თანამყოფობს ყოველივეში და იმავდროულად ყველაფრის მიღმა.

უდიდესი შეურაცხყოფა უფლისა ისაა, თუ შენ მას ქვეყნიურ მეტოქეს დაუპირისპირებ.

ვინც არ ცხოვრობს უზენაესის საფარველქვეშ, მისთვის არ მოიძებნება მშვიდობიანი და უსაფრთხო თავშესაფარი.

ღმერთი ძალაში კი არა, - ჭეშმარიტებაშია

მანკიერება, თუნდაც თავის მხარეს მთელი ქვეყნიერება ჰყავდეს, ყველაფერზე სუსტია: სათნოება კი, თუნდაც მარტო დარჩეს, ყველაფერზე ძლიერია, ვინაიდან თავის მხარეს მას უფალი ჰყავს. ჭეშმარიტად, ვინ იხსნის მას, ვის წინააღმდეგაც უფალია? ვინ და... იხილეთ სრულად

ხშირად მიმართე აზრითა და გულით უფალს - სათნოებათა სათავეს და თავადაც იქმ მისი შეწევნით კეთილ საქმეებს და მაშინ ნურც ნურავისი და ნურც ნურაფრის გეშინია ქვეყანაზე

ყოველივე სიკეთე მხოლოდ უფალშია, ისე რომ, მის გარეშე და მის გარდა სიკეთე არ არსებობს.

ყოველი სათნოების დასაწყისი არის უფალი, როგორც დღის სინათლისა - მზე

ვინაიდან უფალი არის შემოქმედი ყოველი სიკეთისა, ამიტომ ვერანაირი სიკეთე ვერ კეთდება უფლის გარეშე.