ღმერთი - ციტატები, გამონათქვამები

რაც ღმერთს სურს, ის შეუძლია კიდეც, მაგრამ ყველაფერი არ სურს, რაც შეუძლია

უფლისთვის შეუძლებელი არაფერია, გარდა იმისა, - რაც მას თავად არ სურს

როგორც ადამიანისათვის ადვილია არსებული საგნების დასახელება, ასევე ადვილი იყო ღმერთისთვის არარსებულის არსებულად გადაქცევა

თუ გსურს, ყოველი შენი საქმე კეთილად წარმართო, წარმოიდგინე, რომ ღმერთი მუდამ გიმზერს

თუ შენივე მსგავსი ცოდვილებისა გრცხვენია, რომ მათ ცოდვის ჩადენისას არ გნახონ, რაოდენ მეტად უნდა გეშინოდეს უფლისა, რომელიც სრულყოფილად ჭვრეტს შენი გულის დაფარულ ზრახვებს

თუ ყოველთვის გემახსოვრება, რომ უფალი ხედავს ყოველივე იმას, რასაც სულითა და სხეულით იქმ, არაფერში შესცოდავ

ყოველი საქმის ქმნისას გონებაში გქონდეს, რომ ღმერთს ყოველი შენი გულისთქმა ესმის და არასდროს შესცოდავ.

წარმოიდგინეთ ყველაზე ბნელი ღამე, ყველაზე შავი მარმარილო და ყველაზე მუქი ჭიანჭველა. ასეთ უვარსკვლავო ღამეში, ასეთ მარმარილოზე ღმერთი არა მხოლოდ ხედავს მასზე მოსიარულე ჭიანჭველას, არამედ ესმის მისი ფეხის ხმა

ღვთის ყოვლისმხილველი თვალისგან ვერ დაიფარება არა მხოლოდ აშკარა, ან კაცთაგან ხილული რამ, არამედ ჩვენი საიდუმლო საქმენი და - არა მხოლოდ საქმენი, არამედ - თავად ჩვენი გულისთქმებიც კი (აპოკ. 2, 23, ებრ. 4, 13).

მტკიცედ უნდა იყო დარწმუნებული, რომ მზეზე უსაზღვროდ ბრწყინვალე უფლის თვალები განუხრელად უმზერენ თავის შვილებს და მათ ვერაფერი დაემალება