წმ. იოანე სინელი (კიბისაღმწერელი) - ციტატები, გამონათქვამები

"ამით ცნან ყოველთა, ვითარმედ" ღვთისა "მოწაფენი" ვართ (იოან. 13,35), როდესაც არა "სულნი უკეთურნი დაგვემორჩილებიან", არამედ, როცა "სახელები" ჩვენი დაიწერება "ცათა შინა" (კულ. 10,20) სიმდაბლისასა

თუკი ყოველგვარი სხვა ვნების გარეშე - მხოლოდ ამპარტავნების გამო ეშმაკი ზეციდან ძირს ჩამოვარდა, წარმოვიდგინოთ: განა შევძლებთ, რომ სიმდაბლის გარდა სხვა სათნოებით მივაღწიოთ ზეცას?!

ვერცხლისმოყვარება ძირი არს ყოველთა ბოროტთა. (1 ტიმ. 6, 10). და ეს ნამდვილად ასეა, რადგან სიძულვილს, შურს, განყოფას, ბრძოლას, მწუხარებას, ავმეხსიერებას, სისასტიკესა და მკვლელობას შობს

ეცადე, ყოველთვის დაიბრუნო გაბნეული აზრი, ან - უკეთ რომ ვთქვათ, - ლოცვის სიტყვებში გამოკეტო ის; ხოლო თუკი იგი, შენი ჩვილობის გამო მაინც განიბნევა და დამდაბლდება, ეცადე, კვლავ აღამაღლო

მარტო ღმერთს და საღმრთო საქმეებს კი არ გმობს ეს უღმერთო, არამედ, რაიმე ბილწსა და უშვერს წარმოშობს ჩვენს გულებში, რათა ან ლოცვა მივატოვოთ, ან სრულიად დავკარგოთ საკუთარი თავის იმედი

მხიარულებისა და საჭმლით ნუგეშინისცემის ჟამი სრულთათვის უზრუნველობის ჟამია; მოღვაწეთათვის ჟამი ბრძოლისა, ხოლო ვნებით შეპწრობილთათვის დღესასწაულთა დღესასწაული და ზეიმთა ზეიმი

სასოწარკვეთილების ეშმაკს ბოროტების სიმრავლე ამხიარულებს, ხოლო პატივმოყვარეობის ეშმაკს - სათნოებათა სიმრავლე. პირველის ასული წყლულთა სიმრავლეა, ხოლო მეორესი - შრომის სიმრავლე

ნურავინ იფიქრებს, რომ გმობის სიტყვები მისი მიზეზით ჩნდება გულში, რადგან უფალი დაფარულს ხედავს და იცის, რომ ჩვენი კი არა, ჩვენი მტრისანი არიან ის სიტყვები, ჩვენ გულებში რომ შემოდიან

ნურც მრავალმეტყველებას შეუდგები, რადგან სიტყვების ძებნამ გონება არ განგიბნიოს; რადგანაც მეზვერის ერთმა სიტყვამ მოწყალე-ჰყო ღმერთი; სარწმუნოების ერთმა სიტყვამ კი ავაზაკი აცხონა

უნდა გავურბოდეთ მზაკვრობის უფსკრულს, უკეთურების მჭვიმეს, რადგან ნათქვამია: "უკეთურნი ადრე მოისრან" (ფს. 36,9), "ვითარცა თივაი მსთუად განხმენ" (ფს. 26,2), რადგან ეშმაკის საძოვარნი არიან ისინი