ამპარტავნება, ქედმაღლობა - ციტატები, გამონათქვამები

ამაღლებისაკენ მისწრაფება ამავე დროს დამდაბლებისაკენ მისწრაფებაცაა

დღევანდელ დროს გვესმის იგავი: "ცუდია ის მეომარი, რომელსაც მხედართმთავრობა არ სურს". ეს არც სოლომონის იგავია, არც მისი სიბრძნე, არამედ ხორციელი და ამაო სიბრძნეა. ჭეშმარიტი იგავი კი ბრძანებს: "ვინც მაღლად აღაშენებს თავის სახლს, იგი ... იხილეთ სრულად

თავს ძალიან ნუ აიმაღლებ, რათა ძლიერად არ დაეცე

ამპარტავნება მანკიერებათა დედაა, რომლისგანაც ეშმაკი დაეცა, რომელიც ადრე ასეთი არ იყო

ამპარტავნება წყალქვეშა ქვაა, რომელზეც ხშირად იმტვრეოდნენ ისინი, რომლებიც დიდხანს ეწინააღმდეგებოდნენ ვნებათა და სხვადასხვა განსაცდელთა ქარიშხლებს.

თუ ამპარტავნება დაგეუფლება, გაიხსენე, როგორ იღუპება მისგან სათნოების ყველა ნაყოფი და ეს დაგიცავს.

თავმდაბალი ცოდვილები კეთილი საქმეების გარეშეც გამართლდებიან, მართალნი კი ამპარტავნების გამო მრავალი წლის შრომას ღუპავენ.

უფალს უყვარს თავმდაბალი ცოდვილი, რომელიც გულით გლოვობს საკუთარ ცოდვებს, და უარყოფს ამპარტავან მართალს, რომელიც საკუთარ თავს ცოდვილად არ თვლის.

მაღალი შეხედულება საკუთარი სათნოებების შესახებ ადამიანების წინაშეც კი სათნოების არსის დაკარგვაა; მითუმეტეს - ღვთის წინაშე.

უმჯობესია, თავმდაბალი ცოდვილი იყო, ვიდრე - ამპარტავანი მართალი