სიმდიდრე - ციტატები, გამონათქვამები

მაცხოვრის სწავლება უხვეჭელობის შესახებ (მათე 6, 19) ეხება არა მხოლოდ მდიდრებს, არამედ ღარიბებსაც, რადგან ღარიბიც ასევე შეიძლება მიეჯაჭვოს გულით ერთ გროშს, როგორც მდიდარი – ათასებს.

ვინც იგემა ზესთასოფლის სიკეთენი, ადვილად თმობს ამქვეყნიურს, ხოლო ვისაც ეს პირველი არ განუცდია, ხარობს ამ უკანასკნელთა მოხვეჭით.

მხოლოდ ის არაა ვერცხლისმოყვარე, ვისაც ბევრი აქვს და არ უწილადებს ღარიბებს; არამედ ისიც, ვისაც თუმცა კი არ აქვს ზედმეტი, მაგრამ ხარბად ნატრობს მას და მუდმივად ამაზე ფიქრობს.

ვაი ანგარებისმოყვარეს! სიმდიდრე მას ხელიდან ეცლება; ხოლო იქ მას ცეცხლი მოელის.

თავის ოქროზე გამუდმებული ფიქრით და ზრუნვით მიჯაჭვულს, განა შეუძლია ზეცისკენ სწრაფვა ანდა უხრწნელი, ზეციური საუნჯის მოპოვება? მისი გული დახშულია სიმდიდრისაგან, როგორც ლოკოკინა ნიჟარაში, რომელსაც არც სურვილი აქვს და არც შესაძლებლობა... იხილეთ სრულად

მომხვეჭელობა – ესაა "გადამეტებული ზრუნვა ქონებისა თუ სიმდიდრის მოპოვებისა და შენარჩუნებისათვის."

როგორც ფეხებზე ბორკილშებმულთ არ ძალუძთ დაუბრკოლებლად სიარული, ასევე ისინიც, ვინც ფულს აგროვებენ, ვერ შეძლებენ ზეცად აღსვლას

სიმდიდრე აუცილებელია ჩვენი ბავშვებისათვის – აი, კეთილმოჩვენებითი მიზეზი მომხვეჭელთათვის. ნუთუ შენ, როცა მამობა გსურდა, შენს ლოცვებში ასე ამბობდი: "მომეცი, უფალო, შვილები, რათა დავარღვიო მცნებანი შენნი, მომეცი შვილები, რათა ვერ დავ... იხილეთ სრულად

იმათ, ვინც მარხულობს, ლოცულობს საკუთარ ცოდვებზე, მგლოვიარებს, მაგრამ არ ეხმარება სიღარიბით შეჭირვებულთ, სხვა სათნოებათაგან სარგებელი არ ექნებათ – "უადვილეს არს აქლემი განსვლად ხურელსა ნემსისა, ვიდრე მდიდარი შესვლად სასუფეველსა ... იხილეთ სრულად

სიმდიდრეს თუ უფლის მცნებისაებრ დავხარჯავთ, ჩვენს მფლობელობაში დარჩება, ხოლო თუ ჩვენთვის დავიტოვებთ, დაგვშორდება: თუ ჩვენ არ გავუფრთხილდებით სიმდიდრეს, ის ჩვენი იქნება, თუ დავარიგებთ, არ დავკარგავთ