ცოდვა - ციტატები, გამონათქვამები

ცხოვრებისეული უსიამოვნებები უნდა გამოვიყენოთ, ვნახოთ, რომელმა გაუფრთხილებელმა ნაბიჯმა მიგვიყვანა აქამდე და მომავლისათვის საკუთარ თავს სიფრთხილის კანონი დავუწესოთ.

თუ გაურბიხარ ხალხის ჭორაობას შენი საქციელის შესახებ, მაშინ ეს საქციელი შეწყვიტე და ჭორიც აღარ იქნება.

თუ ვინმე შენზე ჭორაობს, ნუ გაბრაზდები, არამედ იტირე და შეგრცხვეს - არა იმისა, რომ შენზე ჭორაობენ, არამედ იმ ცოდვის გამო, რომელმაც ასეთ არაწმიდებაში ჩაგაგდო.

საზოგადოებაში დამამცირებელი საქციელი ქრისტიანულ თავმდაბლობას არ ტოვებს

კარგია შენდობის თხოვნა (ღვთისა და ადამიანების წინაშე), მაგრამ უკეთესია, ისე არ მოიქცე, რომ შენდობის თხოვნა დაგჭირდეს.

ბოროტი საქმეები უკვე აქვე გეენაში ყოფნაა, რადგან სინდისი ამხილებს მცოდველს.

ცოდვა თავისთავად სასჯელია (იერ. 2, 19; რომ. 2, 9), ისევე, როგორც სათნოება თავისთავად ჯილდოა (მათე 5, 6).

დამნაშავემ, როგორი წარმატებითაც არ უნდა აარიდოს თავი სასჯელს, იგი მუდამ თან სდევს.

ცოდვა ყველაზე საშინელი ბოროტებაა დედამიწაზე. უფრთხილდით ცოდვას, იმის გამო მაინც, რომ რაც შეიძლება, ნაკლებად გვამძიმებდეს მიწიერი უბედურებანი.

ის მანკიერება, რომელსაც გულმოდგინედ აღვასრულებთ, შემდგომში ყველგან თან გვდევს.