სულიერი მდელო - ციტატები, გამონათქვამები

ნუ ეძიებ საკუთარი თავისთვის სარგებელს - სხვისი დაზიანებით

ადამიანი მოყვასს ისე ვერ ავნებს, საკუთარ თავს რომ ვერ ავნოს

ვინც სხვისთვის ბოროტების გაკეთებას ფიქრობს, იგი თვითონ მიიღებს მას, ვიდრე გაკეთებას მოასწრებდეს.

ბოროტებას ნუ გაუკეთებ ვინმეს, და ნურც ვინმეს მიმართ გულში გაივლებ მას

თუ ბოროტების დათმენა არ გსურს, ნურც მის ქმნას მოისურვებ. ამ უკანასკნელს აუცილებლად მისდევს პირველი. "რამეთუ რაიცა-იგი სთესოს კაცმან, იგიცა მოიმკოს" (გალ. 6, 7).

ყველა ღონე იხმარე, რათა არავის გაუკეთო ბოროტება და ყველა ადამიანის მიმართ სუფთა გული გქონდეს.

საკუთარი უსამართლობით ღვთის სამართლიან რისხვას ნუ მოვიწევთ თავზე

ხის მჭამელი მატლი მას აზიანებს; ასევე ბოროტებაც, იკვებება ადამიანის გულით და ჭამს მას.

ვინც ადამიანს შეურაცხყოფს, მას შეურაცხყოფს ღმერთი

ვისაც არ უყვარს თავისი ძმა, მას სძულს იგი, ანუ - ნებისმიერი ადამიანის და ამასთან ერთად, ღვთის სიყვარულიც არ შეუძლია (1 იოანე 4, 20); ასეთი არც ღმერთს უყვარს.