ადამიანი - ციტატები, გამონათქვამები
ადამიანი - ციტატები, გამონათქვამები ადამიანი, გამონათქვამები, ციტატები
ყოველ ეპოქას თავის შეხედულება აქვს ადამიანზე. ადამიანს ხან აამაღლებდნენ, ხან დაამდაბლებდნენ, ხან აღმერთებდნენ. დრონი იცვლებიან და ჩვენც ვიცვლებით მასთან ერთად, მაგრამ უმთავრესი - ხატება ღვთისა - უცვლელი რჩება ჩვენში და იგი იმდენად ძლიერი და განმსაზღვრელია, რომ შეუძლია მთლიანად შეცვალოს პიროვნება, თუ, რა თქმა უნდა, მას ამის სურვილი აქვს.
ვარსკვლავები მოძრაობენ, მხეცები ცოცხლობენ, სტიქიები ღვთის მიერ დადგენილ წესებს ექვემდებარებიან. მხოლოდ ადამიანი, ყველაზე გონიერი ქმნილება, ხშირად უგუნურად იქცევა. დაუტევებს უფლის მიერ დადგენილ გზას, საკუთარი ზმანებების ტყვე ხდება და თავისთვის განვითარების ახალ ტრაექტორიებს იგონებს. ბავშვები, უგულებელყოფენ რა უხუცესებს, შესაძლოა ბელადებად მოგვევლინონ, ქალებმა მამაკაცების წილ მოიპოვონ ძალაუფლება. მაგრამ როდესაც ბავშვები წარმართავენ საქმეს, ძალადობა მეფობს და როდესაც ძალაუფლება ქალების ხელთაა, ჩვეულებისამებრ ქაოსის მოწმენი ვხდებით.
ქრისტეს კეთილი ნებაა, ყოველი ადამიანი მას ემსგავსოს.
როგორც ღვთის ძეს, სურვილი აქვს, რომ ღვთის შვილობა ჩვენც დავიმკვიდროთ.
როგორც მეფეს, სურს, რომ ჩვენც მასთან ერთად ვიმეფოთ.
როგორც მღვდელმთავარს, უნდა, რომ ღვთისმსახურებაში ყველას წილი ჰქონდეს, როგორც ყოვლისშემძლეს, წმიდასა და უკვდავს - ძალას, უკვდავებასა და სიწმინდეს ჩვენც გვაზიაროს.
ვითარცა მკვდრეთით აღმდგარს სურს, რომ ჩვენც აღდგომის შვილნი შევიქმნეთ.
ასეთია უფლის ნება და ქვეყნიერებას იმისთვის მოევლინა, რათა სხვა ცოცხალ არსებათაგან განგვასხვაოს, მიწიერ ცხოვრებაზე აღგვამაღლოს და ყველა ხილულ ქმნილებაზე აღმატებული ღირსება მოგვანიჭოს, როგორიც ჰქონდა ადამს ცოდვით დაცემამდე.
მაცხოვარმა მთვლემარე კაცობრიობა გამოაფხიზლა მსგავსად იმისა, მძინარეს რომ გამოაფხიზლებენ მძიმე და უაზრო ძილისგან. ამ გამოფხიზლებამ ყველა გაახარა, უფრო მეტად განიზარეს, როცა გააცნობიერეს სახარებისეული ჭეშმარიტება და ირწმუნეს, რომ ღვთის შვილები არიან და არა უტყვი ბუნების.
ორი საპირისპირო სულის გავლენა, ღვთაებრივისა და დემონურის, ყველაზე ნათლად ადამიანზე აისახება. ადამიანი ერთისა და მეორის კულმინაციაა. ჰეროდია და იოანე - აი, ადამიანური ბუნების ორი უკიდურესობა.
ადამიანი ამ ცხოვრებაში არჩევანის წინაშე დგას, ან ამქვეყნიური, ან ცათა სასუფეველი.
განიარაღებულ მტერს ნუ მოკლავ. ტყვეობაში მყოფი შემოსე და დააპურე. მშობლების ცოდვას შვილებს ნუ მოჰკითხავ. რწმენის შეცვლას ნუ აიძულებ. როცა ჯარისკაცი მწყობრში არ დგას, მის თავისუფლებას ნუ შეზღუდავ. ქალის პატიოსნებას ნუ შეურაცხყოფ - ეს არის სამხედრო მორალი ჭეშმარიტი ადამიანისა და ქრისტიანი მხედართმთავრისა.
სამყაროს ვერ ხედავს ის ადამიანი, რომელიც მასში მხოლოდ თეთრს ან შავს ამჩნევს.
ადამიანი ის არ არის, ვისაც სამარე დაიტევს, არამედ ის, ვისაც თვით სამყაროც ვერ იტევს.