სიმდიდრე - ციტატები, გამონათქვამები

ჩვეულებრივ ვამჯობინებთ სიმდიდრის ბედნიერ შუამდგომლობას, რომელიც, ამასთან, კაცთა მოდგმის თითქმის ყველა უბედურების სათავეა, ხოლო მათთვის, ვინც ამ სიმდიდრის მფლობელია, სრულებით არ არის იგი ჭეშმარიტი ბედნიერების სათავე.

ქრისტიანო! ისწავლე მიბაძო ზაქეს - მეზვერეთა უფროსს (ლუკ. 19, 8). თუკი სინდისის უმცირესი ყვედრება გესმის, როდის იფიქრებ და განსჯი შენი საუნჯის შესახებ?

აქ მდიდრები ხშირად მფარველობენ ღარიბებს; იქ (მომავალ ცხოვრებაში) ღარიბი იქნება მდიდრის შუამდგომელი.

მათ, ვისაც არაფერი აქვთ, გარდა - ცრემლისა და სიღატაკისა, ბევრი რამ აქვთ, რაც შეუძლიათ, მდიდარსაც უწილადონ.

მდიდარი გაწყენინებს და თავადვე დაგემუქრება; ღატაკს აწყენინებენ და თვითონ უნდა იყოს დამცირებული.

გამოწურეთ მდიდრების სახლები და ეტლები: ნახეთ, რამდენი ცრემლი დაედინება!

თითქმის ყველა მდიდარი ან თავად არის უსამართლო ადამიანი, ან - უსამართლოს ნაშიერია.

არ შეიძლება ქრისტესადმი მსახურება მამონისადმი, ანუ სიმდიდრისადმი მსახურებას შევუთავსოთ (მთ. 6, 25).

როგორც იუდამ გაყიდა ქრისტე 30 ვერცხლად, ასევე მრავალი ადამიანი ქრისტეს მადლს ხრწნად სიმდიდრეზე ყიდის.

როგორც ესავმა გაყიდა პირველობა საჭმელზე, ასევე მრავალნი ქრისტეს მიერ აღთქმულ სასუფეველს დროებით საგანძურზე ყიდიან.