წუთისოფელი - ციტატები, გამონათქვამები

ჩვენი ამჟამინდელი ცხოვრება იმისთვის მოგვეცა, რომ მომავალი ცხოვრებისთვის მოვემზადოთ.

მიწიერი ცხოვრება მხოლოდ დასაწყისია, ცხოვრებისათვის მომზადებაა

ჩვენი ამჟამინდელი ცხოვრება არ არის ჭეშმარიტი, ნამდვილი ცხოვრება, რომლისთვისაც შეგვქმნა შემოქმედმა. მომავალ ცხოვრებასთან მიმართებაში ის იგივეა, რაც ჩიტის ცხოვრება კვერცხში, რაც ჩვილის ცხოვრება დედის საშოში.

სამონაზვნო და საერო ცხოვრებას შორის ისეთივე განსხვავებაა, როგორიც - ნავსადგურსა და გამუდმებით ქარისგან მღელვარე ზღვას შორის.

რაც მეტად შორს იქნები სოფლისგან, მით უფრო ახლოს მიხვალ ღმერთთან

ამბა ანტონს უდაბნოში ეუწყა: "არის ქალაქში ვიღაც შენი მსგავსი, პროფესიით ექიმი, რომელიც თავის შემოსავალს გაჭირვებულებს აძლევს და ყოველდღიურად ანგელოზებთან ერთად "სამწმიდაოს" გალობს".

როგორც ღამე ვერ ჩააქრობს ვარსკვლავებს ცაზე, ასევე სოფლის არაწმიდება ვერ დაახშობს მორწმუნეთა გონებას, რომელიც ღვთის სიტყვით არის განმტკიცებული.

უდაბნოში განმარტოებული არ უნდა ნანობდეს სოფელზე, რომელიც მან დატოვა; ერში ცხონებისთვის მოწოდებული კი არ უნდა ამბობდეს, რომ აქ ცხონება შეუძლებელია.

ვერავინ მიუახლოვდება ღმერთს, თუ ამ სოფელს არ განეშორა

ძალიან დიდი პატივი იქნება სოფლისთვის, თუ მას შენი კეთილგანწყობის რაღაც ნაწილს მაინც დაუთმობ.