სულიერი მდელო - ციტატები, გამონათქვამები

საჩუქარი - ჯილდოს გარეშე, ხოლო ბოროტება სასჯელის გარეშე არ რჩება

ვინც ცუდად ცხოვრობს, მისი საქმე ცუდად იქნება

ვინც ბოროტებას იქმს, მას ეს ბოროტება მოეწევა

თუ ცუდი საქმისაგან შემოსავალს იღებს უბედურების წინამორბედად მიიჩნიე

ბოროტი შენაძენი ბოროტადაც დაიხარჯება

ვინც რითი სცოდავს, უმეტესწილად იმითვე ისჯება; ზაქარიამ ბაგეებით შესცოდა, ამითვე დაისაჯა (ლუკა 1, 20). ასეთია ღვთის სამართალი!

ვინც რას დასთესს, - იმასვე მოიმკის. ასევე, როდესაც ნებაყოფლობით ვთესავთ, ჩვენი ნების წინააღმდეგ მოვიმკით ბოროტებას, ამაში ღვთის სამართალი უნდა დავინახოთ.

ცხოვრებისეული უსიამოვნებები უნდა გამოვიყენოთ, ვნახოთ, რომელმა გაუფრთხილებელმა ნაბიჯმა მიგვიყვანა აქამდე და მომავლისათვის საკუთარ თავს სიფრთხილის კანონი დავუწესოთ.

თუ გაურბიხარ ხალხის ჭორაობას შენი საქციელის შესახებ, მაშინ ეს საქციელი შეწყვიტე და ჭორიც აღარ იქნება.

თუ ვინმე შენზე ჭორაობს, ნუ გაბრაზდები, არამედ იტირე და შეგრცხვეს - არა იმისა, რომ შენზე ჭორაობენ, არამედ იმ ცოდვის გამო, რომელმაც ასეთ არაწმიდებაში ჩაგაგდო.