ვერცხლისმოყვარება, მომხვეჭელობა, სიხარბე - ციტატები, გამონათქვამები

ვინც თავის თავს მისტირის, საკუთარ ხორცსაც კი უარყოფს, და თუ დასჭირდა, მასაც არ ინდობს

ნუ იტყვი, რომ ფულს ღატაკთათვის აგროვებ, რადგან ქვრივი დედაკაცის ორმა ლეპტამ შეიძინა სასუფეველი ცათა

უცხოთმოყვარე და ვერცხლისმოყვარე ერთმანეთს შეხვდნენ და მეორემ პირველს უგუნური უწოდა

ვინც ამ ვნებას ამარცხებს, ის საზრუნავს მოიკვეთს, მისგან შებორკილი კი, წმინდა გულით ვერასოდეს ილოცებს

ვერცხლისმოყვარე მოწყალეა, ვიდრე ფულს აგროვებს, მაგრამ როდესაც შეკრებს მას, ხელმომჭირნე ხდება

მინახავს ისეთი უქონელნი, რომლებიც სულით ღატაკებთან თანაცხოვრებით სულიერად გამდიდრდნენ და საკუთარი უქონლობა არად შერაცხეს

ზღვის ტალღები არასოდეს შეწყვეტენ ღელვას, ხოლო ვერცხლისმოყვარის გულს მწუხარება არასდროს დატოვებს

იობთან ვერცხლისმოყვარების კვალსაც კი ვერსად ვნახავთ, რადგან ის, ყველაფრის დაკარგვის მიუხედავად, მწუხარებას არ შეუპყრია

ვერცხლისმოყვარება ძირი არს ყოველთა ბოროტთა. (1 ტიმ. 6, 10). და ეს ნამდვილად ასეა, რადგან სიძულვილს, შურს, განყოფას, ბრძოლას, მწუხარებას, ავმეხსიერებას, სისასტიკესა და მკვლელობას შობს

მომხვეჭელობის გამოვლინებანია ვერცხლისმოყვარეობა და სიძუნწე. სიმდიდრე კი არაა ცუდი, არამედ ვერცხლისმოყვარეობა. შენ მდიდარი ხარ; მე არა ვარ ამის წინააღმდეგი; შენ ძუნწი ხარ, აი, რის გამო გკიცხავ