მაგალითი ადამიანებისა - ციტატები, გამონათქვამები

კეთროვანი სუფთასაც აავადებს; ასევე ბოროტებთან ურთიერთობა კარგ ადამიანებსაც რყვნის

განეშორე შავ გულს, როგორც ნახშირს, როდესაც იგი ცხელია, წვავს, მინავლული კი ხელებს გისვრის.

ერთ უწმიდურ გამოხედვას, ერთ გამხრწნელ სიტყვას ადამიანის უდიდეს ცოდვამდე მიყვანა შეუძლია.

რაც უფრო დიდია ჩვენი მაგალითის გავლენა სხვებზე, მით უარესი დაგვემართება საკუთარი ცოდვების გამო.

როდესაც ბოროტი ადამიანი საკუთარი თავის მტერია, განა ძალუძს ბოროტების გარდა რაიმე გაუკეთოს სხვებს?

მაგალითი მიმზიდველია. დამოძღვრის მიუხედავად, რამდენი ბავშვი სწავლობს მშობლისგან ჩხუბს, მრისხანებას, შურს!

კვამლი და მყრალი ანაორთქლი, იმდენად არ წვავს თვალებს, რამდენადაც ბოროტ ადამიანებთან ურთიერთობა აწყლულებს სულს.

დაბინძურებული წყალი საუკეთესო ღვინოსაც კი უვარგისად აქცევს; ასევე ცუდი საუბარი ხრწნის ღვთივსათნო და ზნეობრივ ადამიანებს

ქრისტიანული სარწმუნოება ადამიანის სულს ყველაზე მეტად მაშინ განანათლებს, როდესაც მის ნათელს მქადაგებელნი თავიანთი ცხოვრებით წარმოაჩენენ.

უფრო ადვილია ნაკლის გადმოღება, ვიდრე - სათნოების გადაცემა, რადგან უფრო ადვილად დაავადდები სნეულებით, ვიდრე - სხვას გადასცემ შენს ჯანმრთელობას