მზაკვრობა - ციტატები, გამონათქვამები

ხშირად დაცემამ მზაკვარი მოაქცია და უვნებელი ცხოვრება და უმანკოება მოუტანა მას

მშვიდის სული უბრალოების სამყოფელია, ხოლო მრისხანე გონება უკეთურებასა და მზაკვრობას მოიმოქმედებს

"ძნიად შევიდეს მდიდარი სასუფეველსა ცათასა" და უგუნურნი და მზაკვრობით განბრძნობილნი ძნელად მოიპოვებენ სიმშვიდეს

რამდენადაც უბრალონი ადვილად გადაიქცევიან მზაკვრებად, იმდენად მზაკვარნი ძნელად მოიპოვებენ უბრალოებას

ვნახე უბრალონი, რომელთაც მზაკვართაგან მზაკვრობა ისწავლეს და როდესაც ეს ბუნებად ექცათ, დაიღუპნენ

მზაკვარი არის ცრუწინასწარმეტყველი, რომელსაც ჰგონია, რომ სხვათა სიტყვის მიხედვით მათ აზრებს ჩასწვდება და გარეგნული მოქმედებების მიხედვით - შინაგან მდგომარეობას ამოიცნობს

უნდა გავურბოდეთ მზაკვრობის უფსკრულს, უკეთურების მჭვიმეს, რადგან ნათქვამია: "უკეთურნი ადრე მოისრან" (ფს. 36,9), "ვითარცა თივაი მსთუად განხმენ" (ფს. 26,2), რადგან ეშმაკის საძოვარნი არიან ისინი

მზაკვარი კაცი ეშმაკის მოყვასი და მეგობარია, უფალი გვასწავლის, რომ ამისთანების შესახებ ვთქვათ: "გვიხსენ ჩვენ ბოროტისაგან" (მათ. 6,13)

ორგულობა ბოროტი წესია, რომელიც მზაკვრობითაა შექმნილი და სულისა და გონების დამაბნელებელია

მზაკვრობა არის ხელოვნება, ან უკეთ რომ ვთქვათ, ეშმაკეული სისაძაგლე, რომელიც შორსაა ჭეშმარიტებისაგან