ღვთის სიყვარული ადამიანისადმი - ციტატები, გამონათქვამები

ნეტარია ის კაცი, ვინც ღვთისადმი ისეთ სიყვარულს მოიპოვებს, როგორსაც თავის ბოროტ სიყვარულში სატრფოსადმი განიცდის

ნეტარია იგი, ვისაც ისე სურს უფალი, როგორც მშიერს პური

ნეტარია ის, ვისაც ისევე გულმოდგინებით სურს მონობა ღვთისა, როგორც ერთგულ მონებს თავიანთი პატრონისა

ნეტარია იგი, ვინც ცდილობს, ისე მოიმადლიეროს უფალი, როგორც მეგობრების მომადლიერებას ცდილობენ ხოლმე

ჩვილს იმდენად არ სურს დედასთან ყოფნა, რამდენადაც უფლის სიყვარულის ძეს სურს უფალთან სიახლოვე

თვითონ ნახე, ჰოი, ნეტარო, რომ როდესაც ირემი, ეს მხნე და უშიშარი სულის სახე, ბოროტ ქვეწარმავლებს გაანადგურებს, მაშინ "სურინ და მოაკლდებინ" მას "უფლისა მიმართ", რადგან დამწველი ცეცხლით - უფლისადმი სიყვარულით იწვის

შიმშილი უცნაური და უჩინარი რამ არის; ხოლო წყურვილი - მწველი, აშკარა და ყველასათვის მისახვედრი; ამიტომ ამბობდა ღვთისმოყვარე: "სწყურის სულსა ჩემსა ღმრთისა მიმართ ძლიერისა და ცხოველისა"

ღვთის შიში, თუ ის სულის მხურვალებისაგან არის აღძრული, გალევს და მოსპობს მწიკვლოვანებას, რადგანაც ამბობს წინასწარმეტყველი: "შემშჭვალენ შიშსა შენსა ხორცნი ჩემნი". ხოლო წმინდა სიყვარული თავისი მოქმედებით შეჭამს მათ, როგორც "ქებათა ქე... იხილეთ სრულად

როდესაც კაცი ყველანაირად ღვთის სიყვარულს შეუერთდება, მაშინ მისი სულის ბრწყინვალებას გარეგნული სახეც გამოაჩენს, რადგანაც სწორედ ასე განდიდდა მოსე ღვთისმხილველი; ხოლო მას, ვინც ამ ანგელოზებრივ მდგომარეობამდეა მისული, ხშირად საჭმელიც... იხილეთ სრულად

ღვთის შიშის აღორძინება სიყვარულის დასაბამია, ხოლო სრული სიყვარული - ღვთისმეტყველების დასაბამი